اسرائیل کی فلسطینیوں پر بمباری ‘غزہ کی ناکہ بندی اہم گزرگاہ بند

میاں محمد ندیم جمعرات 14 دسمبر 2017 16:22

غزہ(اردوپوائنٹ اخبارتازہ ترین-انٹرنیشنل پریس ایجنسی۔14 دسمبر۔2017ء) اسرائیل کی نہتے فلسطینیوں پر بمباری کا سلسلہ جاری ہے جبکہ دوسری جانب صیہونی حکومت نے فلسطین سے اسرائیل میں داخل ہونے کے لئے استعمال ہونے والی اہم گزر گاہ کو بھی بند کردیا ہے۔ اسرائیلی فضائیہ غزہ میں نہتے فلسطینیوں پر مسلسل بمباری کررہی ہے‘اسرائیلی فوج نے دعویٰ کیا ہے کہ گزشتہ 24 گھنٹوں کے دوران غزہ سے اسرائیلی علاقوں پر 3 راکٹ داغے گئے تاہم اس سے کوئی جانی نقصان نہیں ہوا، جس کے جواب میں خان یونس میں ایک سکول کو بم سے تباہ کردیا۔

دوسری جانب اسرائیلی فوج نے غزہ سے راکٹ حملوں کا بہانہ بناکر کیریم شالوم کراسنگ بند کردی ہے، کیریم شالوم گزرگاہ فلسطینیوں کے روزگار کے لیے اسرائیلی علاقوں میں داخل ہونے کے لیے سب سے اہم گزر گاہ ہے۔

(جاری ہے)

اس گزر گاہ سے غزہ میں اشیائے خوردونوش، ادویات اور دیگر ضروری سامان کی بھی رسد ہوتی ہے۔اسرائیلی فوج کے ترجمان کا کہنا ہے کہ کیریم شالوم کراسنگ ہر فلسطینی کے لیے بند کردی گئی ہے، صرف انسانی بنیادوں پر ہی کوئی فلسطینی اس راستے سے اسرائیل میں داخل ہوسکے گا اور وہ بھی اعلیٰ ترین عسکری حکام کی اجازت کے بغیر ممکن نہیں ہوگا۔

مقامی افراد اور بین الاقوامی سماجی کارکنوں کا کہنا ہے کہ کیریم شالوم کراسنگ بند ہونے سے غزہ میں کھانے پینے کے سامان کے علاوہ ادویات کا بحران بھی پیدا ہوسکتا ہے۔واضح رہے کہ گزشتہ ہفتے امریکا کی جانب سے مقبوضہ بیت المقدس کو اسرائیل کا دارالحکومت قرار دینے کے بعد علاقے میں امن و امان کی صورت حال مزید مخدوش ہوگئی ہے۔

Facebook Twitter Google + Share on Whatsapp

اسرائیل کی فلسطینیوں پر بمباری ‘غزہ کی ناکہ بندی اہم گزرگاہ بند

متعلقہ عنوان :

مزید اہم خبریں