جمعیت فاٹا کے صوبے سے الحاق یا علیحدہ صوبے کے خلاف نہیں ، فیصلے سے قبل ریفرنڈم کرایا جائے،مولانا عطا الرحمان

بدھ 13 دسمبر 2017 23:04

اسلام آباد(اُردو پوائنٹ اخبارتازہ ترین - آن لائن۔ 13 دسمبر2017ء) جمعیت علما اسلام (ف) کے رہنما مولانا عطا الرحمان نے کہا ہے کہ قوم کی آنکھوں میںدھول جھوکنا درست نہیں،جمعیت فاٹا کے صوبے سے الحاق یا علیحدہ صوبے کے خلاف نہیں ، فیصلے سے قبل ریفرنڈم کرایا جائے۔ بد ھ کے روز نجی ٹی وی سے گفتگو کرتے ہوئے جے یو آئی (ف)کے رہنما مولا عطاالرحمان نے کہا کہ قوم کی آنکھوؔں میں دھول نہ جھونکی جائے، تاریخ گواہ ہے کہ 2013کے الیکشن سے قبل 2012میں خیبر پختونخواہ صوبائی اسمبلی میں قرارداد آئی تھی جس کے بعد آواز اٹھی کہ قبائلیوں کو کے پی کے مے انضمام کیا جائے یا فاٹا کو علیحدہ صوبہ بنایا جائے۔

جے یو آئی (ف)نے اس قرارداد کے بعد بڑا جرگہ بلایا تھا اسمیں قبائلیوں کے مستقبل پر بات ہوئی ۔

(جاری ہے)

ہمارے جرگے کے بعد اسلام آباد کنونشن سنٹر میں تمام سیاسی جماعتوں کا فاٹاسے متعلق اجلاس ہوا جس پر تمام جماعتوں نے دستخط کیے۔ انہوں نے کہا کہ جمعیت فاٹا کی خیبر پختونخواہ کے ساتھ الحاق کے خلاف نہیں اور نہ ہی فاٹا کے علیحدہ صوبہ بنانے کے۔ مگر ہم چاہتے ہیں کہ فاٹا کے نمائندے صرف 19اراکین پارلیمنٹ نہیں بلکہ فاٹا کی تمام عوام کے ہاتھ میں فاٹا کے مستقبل کا فیصلہ کیا جانا چاہیے۔

فاٹا کے مستقبل کا فیصلہ ریفرنڈم کے ذریعے کیا جانا چاہیے۔ مولانا کا کہنا تھا کہ فاٹا اصلاحات کیلئے آرٹیکل 175میں ترمیم نہ کی گئی تو آئین کی خلاف ورزی ہوگی۔ فاٹا اصلاحات پر تمام سیاسی جماعتوں کو سیاست کی بجائے مل بیٹھ کر کام کرنا چاہیے۔