پاک بحریہ کے سربراہ ایڈمرل ظفر محمود عباسی کی ترکی میں کمانڈر ترکش نیول اکیڈمی اور کمانڈر نیول ٹریننگ اینڈ ایجوکیشن سے ملاقات

باہمی دلچسپی کے پیشہ ورانہ اُمور ،نوجوان آفیسرز کی صلاحیتوں کو مزید اجاگر کرنے ،پیشہ ورانہ وتعلیمی تربیت پر تبادلہ خیال

بدھ 13 دسمبر 2017 17:35

پاک بحریہ کے سربراہ ایڈمرل ظفر محمود عباسی کی ترکی میں کمانڈر ترکش ..

کراچی(اُردو پوائنٹ اخبارتازہ ترین - این این آئی۔ 13 دسمبر2017ء) پاک بحریہ کے سربراہ ایڈمرل ظفر محمود عباسی ان دنوں ترکی کے سرکاری دورے پر ہیں۔دورے کے دوسرے دن پاک بحریہ کے سربراہ نے کمانڈر ترکش نیول اکیڈمی،ریئر ایڈمرل (یو ایچ) ابراہیم اوزدیم کوثر(Ibrahim Ozdem KOCER)اور کمانڈر نیول ٹریننگ اینڈ ایجوکیشن ریئر ایڈمرل(یوایچ) قادر یلدز(Kadir YILDIZ)سے ملاقاتیں کیں۔

ترکش نیول اکیڈمی آمد پر کمانڈر ترکش نیول اکیڈمی نے ایڈمرل ظفر محمود عباسی کا استقبال کیا۔

(جاری ہے)

بعد ازاں، پاک بحریہ کے سربراہ ایڈمرل ظفر محمود عباسی نے کمانڈر ترکش نیول اکیڈمی اور کمانڈر نیول ٹریننگ اینڈ ایجوکیشن سے الگ الگ ملاقاتیں کیں۔ملاقاتوں کے دوران باہمی دلچسپی کے پیشہ ورانہ اُمور بشمول نوجوان آفیسرز کی صلاحیتوں کو مزید اجاگر کرنے اورپیشہ ورانہ وتعلیمی تربیت پر تبادلہ خیال کیا گیا۔ پاک بحریہ کے سربراہ کو ترکش نیول اکیڈمی کے تربیتی نظام پر بریفننگ بھی دی گئی۔ایڈمرل ظفر محمود عباسی نے ترکش نیول اکیڈمی کے مختلف سیکشنز کا دورہ کیا اور مڈ شپ مین اور کیڈٹس سے غیر رسمی بات چیت بھی کی۔