حکومت نیشنل ایکشن پلان پر مکمل طور پر عملدرآمد کرائے،

ڈالر کی قدر میں اضافے پر سنجیدگی سے غور کرے، آفتاب شیرپائو

بدھ 13 دسمبر 2017 14:55

حکومت نیشنل ایکشن پلان پر مکمل طور پر عملدرآمد کرائے،

اسلام آباد ۔ (اُردو پوائنٹ اخبارتازہ ترین - اے پی پی۔ 13 دسمبر2017ء) قومی وطن پارٹی کے سربراہ رکن قومی اسمبلی آفتاب احمد خان شیر پائو نے کہا ہے کہ دہشت گردی کی لہر مکمل طور پر ختم نہیں ہوئی، نیشنل ایکشن پلان پر مکمل عملدرآمد کرانے کی ضرورت ہے، ڈالر کی قدر میں اضافے کے اثرات اچھے نہیں ہوں گے۔

(جاری ہے)

بدھ کو پارلیمنٹ کے باہر میڈیاسے گفتگو کرتے ہوئے انہوں نے کہاکہ ملک میں ابھی تک دہشت گردی مکمل طورپر ختم نہیں ہوئی، حکومت کو نیشنل ایکشن پلان کے مکمل طور پر عملدرآمد کرانے کی ضرورت ہے تاکہ اس کے مقاصد حاصل ہوسکیں اور ملک میں امن و امان کی صورتحال مزید بہتر ہو سکے۔

انہوں نے کہاکہ اب آئی ایم ایف اور ورلڈ بینک کی طرف سے جانا ہے اس وجہ سے اس ڈالر کی قدر میں اضافہ کیا جا رہا ہے، اس سے ایکسپورٹ میں اضافہ ہو گا ۔ آفتاب احمد خان نے کہاکہ ڈالر کی قدر میں اضافے سے ملک کے قرضہ جات بھی بڑھ جائیں گے۔ حکومت کو اس حوالے سے سنجیدگی سے غور کرنا ہوگا۔