پیپلز پارٹی کراچی ڈویژن کے صدر و ممبر سندھ اسمبلی سعید غنی کی صدارت میں پیپلز سیکریٹریٹ میں اجلاس
شہید محترمہ نے اپنے والد کے مشن کو جاری رکھتے ہوئے ملک کی فلاح اور عوام کی خدمت کی ، اپنے والد کی طرح انہوں نے بھی شہادت قبول کی، سعید غنی
منگل 12 دسمبر 2017 22:02
(جاری ہے)
نثار احمد کھوڑو نے اجلاس میں شہید محترمہ بینظیر بھٹو کی 10ویں برسی کے انتظامات کے حوالے سے بات چیت کی۔ اس موقع پر کراچی ڈویژن کے جنرل سیکریٹری جاوید ناگوری، سیکریٹری اطلاعات و ڈپٹی اسپیکر سندھ اسمبلی شہلا رضا،راجہ عبدالرزاق بلوچ، مرزا مقبول، سردار خان، ذوالفقار قائم خانی، ندیم بھٹو، آصف خان، شکیل چوہدری، خالد لطیف، لطیف آرائین، نوید بھٹی، ضلعی صدور ایم پی اے غلام مرتضی بلوچ، لیاقت آسکانی، خلیل ہوت، جاوید شیخ، اقبال ساند، ظفر صدیقی، ضلعی جنرل سیکریٹریز علی احمد، لالہ عبدالرحیم ، چوہدری اصغر آرائیں، دل محمد، بلوچ،ضلعی سیکریٹری اطلاعات وقاص شوکت، میر عباس تالپور، جانی میمن ،خواتین ونگ کراچی کی صدر ایم این اے شاہدہ رحمانی،ایم پی اے شاہینہ شیر علی بلوچ، شاہینہ سعیدہ،قاضی بشیر، راحت فضل چوہدری بھی موجود تھی۔
اس موقع پر سندھ کے صدر نثار احمد کھوڑو نے کہا کہ پاکستان کی سیاست اور ترقی میں بھٹو فیملی کا کلیدی کردار ہے۔ انہوں نے کہا کہ شہید محترمہ نے اپنے والد کی تربیت اور مشن کو جاری رکھتے ہوئے ہمیشہ ملک کی فلاح اور عوام کی خدمت کی ہے اوراپنے والد کی طرح انہوں نے بھی جام شہادت نوش فرمائی ہے ۔ بی بی شہید پاکستان کی خواتین کے لئے رول ماڈل کی حیثیت رکھتی ہے جنہیں رہتی دنیا تک یاد رکھا جائے گا۔اس موقع پر تمام ضلعی صدور، جنرل سیکریٹریز، سیکریٹری اطلاعات و خواتین ونگ نے سندھ کے صدر نثار احمد کھوڑوکو یقین دہانی کرائی کہ وہ بڑی تعداد میں شرکت کرکے شہید محترمہ بینظیر بھٹو کو خراج عقیدت پیش کرینگے۔اس موقع پر ایم پی اے سعید غنی نے کہا کہ کراچی کوآرڈینیشن کمیٹی کومزید فعال کیا جائے گا تاکہ2018 کے الیکشن میں پاکستان پیپلزپارٹی کراچی سے واضح اکثریت حاصل کرے۔انہوں نے مزید کہا کہ محترمہ بینظیر بھٹو شہید کی10ویں برسی کے موقع پر ،شاہراہوں، چورنگیوں اور روڈوں پر پینافلکس نصب اور مختلف جگہوں پر کیمپ بھی لگائے جائیں گے۔*آخر میں کراچی ڈویژن کے باضابطہ عہدیداران کی مشارت کے بعد محترمہ بینظیر بھٹوشہید کی برسی کے حوالے سے ٹرانسپورٹ کمیٹی کا اعلان کیا گیا ، جس کے کنوینئر خالد لطیف ممبرز اظہار الحق حسن زئی، ذوالفقار قائم خانی اور لالہ عبدالرحیم ہونگے۔متعلقہ عنوان :
مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
سرکاری لیبارٹریز نے ڈینگی مریضوں کی تشخیص بند کر دی
-
اسلام آباد کے شہریوں کے لئے شروع کئے جانے والے ہائوسنگ کے منصوبوں کو ترجیحی بنیادوں پر مکمل کیا جائے گا ، کسی قسم کی کوتاہی برداشت نہیں کی جائے گی ،ریاض پیرزادہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.