نواز شریف لندن سے واپس آگئے تو سیدھے اڈیالہ جیل جائیں گے،سانحہ ماڈل ٹائون

معاملے کو منطقی انجام تک پہنچانا چاہتے ہیں، وزیر اعظم سے کوئی چیز نہیں سنبھالی جارہی،تحریک انصاف کے ترجمان فواد چوہدری کا بیان

منگل 12 دسمبر 2017 22:00

نواز شریف لندن سے واپس آگئے تو سیدھے اڈیالہ جیل جائیں گے،سانحہ ماڈل ..

اسلام آباد (اُردو پوائنٹ اخبارتازہ ترین - آئی این پی۔ 12 دسمبر2017ء) پاکستان تحریک انصاف کے ترجمان فواد چوہدری نے کہا ہے کہ اگر نواز شریف لندن سے واپس آگئے تو سیدھے اڈیالہ جیل جائیں گے، ہم ماڈل ٹاون واقعے کو منطقی انجام پہنچانا چاہتے ہیں، وزیر اعظم شاہد خاقان عباسی سے کوئی چیز نہیں سنبھالی جارہی۔

(جاری ہے)

منگل کو اپنے ایک بیان میں پاکستان تحریک انصاف کے ترجمان فواد چوہدری نے کہا ہے کہ لگتا ہے کہ نواز شریف لندن سے واپس نہیں آئیں گے۔

اگر وہ واپس آگئے تو آڈیالہ جیل جائیں گے، لگتا ہے کہ ریفرینسز کا فیصلہ فروری تک ہوجائے گا، میاں صاحب نے چوری کے پیسے سے لندن میں جائیدادیں خریدیں۔ انہوں نے کہا کہ ہم ماڈل ٹائون واقعے کو منطقی انجام تک پہنچانا چاہتے ہیں، کوئی چیز نہیں سنبھالی جارہی، حکومت کے پاس مسئلے حل کرنے کی صلاحیت ہی نہیں ہے، ملک فوری انتخابات کی ضرورت ہے۔ حکومت مکمل طور پر غیر فعال ہے۔