قومی اسمبلی اجلاس کے ایجنڈے سے فاٹا اصلاحات بل نکالنا قبائلی عوام کے ساتھ ظلم ہے، کو جام کرنے پر مجبور ہونگے ،
شاہ جی گل آفریدی قبائل کے پی کے میں انضمام چاہتے ہیں پاکستان کا آئین ، قانون چاہتے ہیں، مسلم لیگ ن حکومت نے اپنے چوری کے مال کو بچانے کے لئے مولانا فضل الرحمن اور محمود اچکزئی کا سہارا لیا ہے لیکن قبائلی عوام کی بددعائیں اس حکومت کولے ڈوبیں گی، دیگر ایم این ایز کے ہمراہ پریس کانفرنس
منگل 12 دسمبر 2017 21:26
(جاری ہے)
انہوں نے کہا کہ ملک کے لئے قبائل نے قیمتی جانوں کا نظرانہ پیش کیا ہے اوربہت سارے لوگ اپنے ملک میں مہاجر ہو گئے، گھر مساجد تعلیمی ادارے سب کچھ تباہ ہوگئے لیکن پھر بھی ہم پاکستان زندہ باد کا نعرہ لگا رہے ہیںجو کہ قبائلی عوام کی حب الوطنی کا واضح ثبوت ہے انہوں نے کہا کہ قبائل کے پی کے میں انضمام چاہتے ہیں پاکستان کا ائین چاہتے ہیں پاکستان کا قانون چاہتے ہیں اس ملک کوگلے سے لگا رہے ہیں لیکن حکومت وقت ہم باغی بنا رہے ہیں ہمیں دہشتگرد بنارہے ہیں ، علاقہ غیر کا تاثر دیا جارہے ہیں لیکن ہم غیر نہیں بننا چاہتے اسلئے جلد از جلد فاٹا کو کے پی میں ضم کیا جائے انہوں نے کہا کہ ملک کے دوسرے حصوں میں علیحدگی کی تحریکیں چل رہی ہے پاکستان کا جھنڈا جلایا جاتا ہے ملک کے خلاف نفرت پھیلارہے ہیں لیکن پھر بھی وہ معاف کیے جاتے ہیں لیکن افسوس کے ساتھ کہنا پڑتا ہے ہ مسلم لیگ ن نے قبائل کے خون کا ایک سوداگر مولانا فضل الراحمان اور دوسرا ملک دشمن عناصر ایجنٹ محمود اچکزئی کے کہنے پر ایک بار پھر قبائل کے امیدوں پر شب خون مارکر قبائلوں کو حقوق سے محروم کر دیئے جبکہ مسلم لیگ ن کے چور اور ڈاکو حکومت نے اپنے چوری کے مال کو بچانے کے لئے مولانا فضل الرحمن اور محمود اچکزئی کا سہارا لیا ہے لیکن قبائلی عوام کی بددعائیں اس حکومت لے ڈوبے گی انہوں نے کہا کہ مولانا فضل الراحمن اور محمود اچکزئی غیروں کے اشاروں پر پختونوں کے اتحاد کے مخالف ہیں وہ صرف زبان سے علیحدہ صوبے کی مطالبہ کرتے ہیں لیکن ابھی تک علیحدہ صوبے کی تحریک کے لئے ایک جلسہ نہیں کیا اور یہ سارے ہتھکنڈے صرف اپنی بازاری سیاست کے لئے استعمال کررہے ہیں یہ سب کچھ ایف سی آر بچانے کے مترادف ہے مولانا ڈیزل اور چند مراعات یافتہ طبقہ اب اس تحریک کا راستہ نہیں روک سکتا ہے انہوں نے کہا کہ اس کا بدلہ فاٹا کے عوام ان دشمنوں سے 2018 میں ووٹ کے ذریعے لیں گے ان کو بد ترین شکست کا سامنا کرنا پڑے گا آخر میں انہوں نے کہا کہ ہم اپنے قائد تحریک اصلاحات اور فخر قبائل الحاج شاہ جی گل کو تمام ہر قسم جانی اور مالی قربانی کی یقین دہانی کراتے ہیں اور ان کے کے ایک میسج پر اسلام آباد کا گھیراو کریں گے۔
مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.