نواز شریف نے ہر دور میں ملک کی خدمت کی، ہمیں سمجھ نہیں آتی کہ یہ لوگ نواز شریف کے پیچھے کیوں پڑے ہیں

وفاقی وزیر موسمیاتی تبدیلی مشاہد الله خان کی میڈیا سے گفتگو

منگل 12 دسمبر 2017 19:11

نواز شریف نے ہر دور میں ملک کی خدمت کی، ہمیں سمجھ نہیں آتی کہ یہ لوگ ..

اسلام آباد ۔ (اُردو پوائنٹ اخبارتازہ ترین - اے پی پی۔ 12 دسمبر2017ء) وفاقی وزیر موسمیاتی تبدیلی سینیٹر مشاہد الله خان نے کہا ہے کہ سابق وزیراعظم نواز شریف نے ہر دور میں ملک کی تقدیر کو بدلا اور ملک کی خدمت کی، ہمیں سمجھ نہیں آتی کہ یہ لوگ نواز شریف کے پیچھے کیوں پڑے ہیں، دھرنوں پے دھرنے کرکے نواز شریف سے دشمنی کی جا رہی ہے، دھرنوں کے اثرات ڈالر تک پہنچ گئے۔

(جاری ہے)

منگل کو پارلیمنٹ ہائوس کے باہر میڈیا سے گفتگو کرتے ہوئے انہوں نے کہا کہ دھرنوں پے دھرنے کرکے سابق وزیراعظم نواز شریف سے دشمنی کی جا رہی ہے جبکہ نواز شریف نے ہر دور میں اس ملک کی تقدیر کو بدلا اور ملک کی خدمت کی مگر ہمیں سمجھ نہیں آتی کہ یہ لوگ نواز شریف کے پیچھے کیوں پڑے ہیں۔ وفاقی وزیر نے کہا کہ دھرنوں کی وجہ سے ملک کو نقصان ہو رہا ہے جبکہ اس سے ذاتی فائدہ کسی کا بھی نہیں، دھرنے کے اثرات ڈالر تک پہنچ گئے ہیں، دھرنے ایسی جگہ دیتے ہیں جہاں عوام کو تکلیف ہو اور تنگ کیا جائے، مسائل کا حل بیٹھ کر بات چیت کے ذریعے ہوتا ہے۔ سینیٹر مشاہد الله خان نے کہا کہ وفاقی وزیر خزانہ سینیٹر اسحاق ڈار نے ڈالر کو اوپر نہیں جانے دیا لیکن ان کے جانے کے بعد ڈالر اوپر جا رہا ہے۔