ویرات انوشکا کی شادی پر پاکستانی کرکٹرز کی جانب سے بھی مبارکباد

شاہد آفریدی،شعیب اختر،محمد عامر اورعمراکمل کی جانب سے سوشل میڈیا پر نو بیاہتا جوڑی کو مبارکباد دی گئی

منگل 12 دسمبر 2017 18:06

ویرات انوشکا کی شادی پر پاکستانی کرکٹرز کی جانب سے بھی مبارکباد
لاہور(اُردو پوائنٹ اخبارتازہ ترین - آئی این پی۔ 12 دسمبر2017ء) بھارت کی نو بیاہتا جوڑی انوشکا شرمااور ویرات کوہلی کی شادی پر بھارتی اسٹارز کے ساتھ پاکستانی کرکٹرز بھی بے انتہا خوش ہیں اوردونوں کے لیے اپنی نیک تمناں کا اظہار کررہے ہیں۔ہزاروں افواہوں اور قیاس آرائیوں کے بعد بالآخر بالی ووڈ اداکارہ انوشکا شرما اور ویرات کوہلی شادی کے بندھن میں بندھ گئے دونوں کو جہاں ان کے چاہنے والے مبارکباد دے رہے ہیں وہیں پاکستان اور بھارت کے اسپورٹس اسٹارز کی جانب سے بھی انہیں مبارکباد دینے کا سلسلہ جاری ہے۔

قومی کرکٹ کے سابق آل رانڈر اور ہر دلعزیز کھلاڑی شاہد آفریدی نے دونوں کو شادی کی مبارکباد دیتے ہوئے کہا ہے کہ آپ کی خوشیاں ہمیشہ اسی طرح قائم و دائم رہیں۔

(جاری ہے)

راولپنڈی ایکسپریس شعیب اختر نے کوہلی اورانوشکا شرما کو ان کی زندگی کی نئی اننگز پر نیک تمناں کااظہار کیا ہے۔پاکستانی کرکٹرمحمد عامر نے ویرات کوہلی کی ٹوئٹ ری ٹوئٹ کی ہے جس میں کوہلی نے اپنی اور انوشکا شرما کی شادی کی خبر مداحوں کے ساتھ شیئر کی تھی۔

قومی کھلاڑی عمر اکمل نے بھی ویرات اور انوشکا کے لیے اپنی نیک تمناں کااظہار کیا اور کہا کہ آپ کا پیار ہمیشہ یونہی چمکتا رہے۔بھارتی ٹینس اسٹار اور پاکستانی کرکٹر شعیب ملک کی اہلیہ ثانیہ مرزا نے دونوں کو مبارکباد دیتے ہوئے کہا ہے دونوں اپنی شادی کے دن بہت خوبصورت اور خوش لگ رہے ہیں۔

متعلقہ عنوان :