چنیوٹ،تھانہ چناب نگر پولیس کا مختلف علاقوں میں سرچ آپریشن ،سو سے زائد مشکوک افراد کی بائیو میٹرک تصدیق، تلاشی لی گئی

پیر 11 دسمبر 2017 17:21

چنیوٹ(اُردو پوائنٹ اخبارتازہ ترین - این این آئی۔ 11 دسمبر2017ء) تھانہ چناب نگر پولیس نے مختلف علاقوں میں ٹارگٹڈ سرچ آپریشن کیا ۔ دوران سرچ آپریشن ایک سو سے زائد مشکوک افراد کی بائیو میٹرک تصدیق اور فزیکل چیکنگ کی گئی ۔ سرچ آپریشن میں پولیس اور ایلیٹ فورس کی بھاری نفری شامل ہوئی ۔

(جاری ہے)

سرچ آپریش کے دوران چناب نگر پولیس کو دوہرے قتل کے مقدمہ میں مطلوب اشتہاری ملزم نظر خان کو گرفتار کیا گیا۔

اشتہاری ملزم نظر خان نے 2015 میں ولائت اور امبرین بی بی کو قتل کیا تھا ۔ علاوہ ازیں پولیس نے کاروائی کرتے ہوئے دیگر مختلف مقدمات میں مطلوب اشتہاریوں سمیت ناجائز اسلحہ ومنشیات برآمد ہونے پر 20 ملزمان کو گرفتار کیا۔ گرفتار ملزمان کیخلاف مقدمات درج کر کے حسب ضابطہ کاروائی عمل میں لائی جارہی ہے۔