ہالی ووڈ فلم’’ پیسیفک رم 2، اپ رائزنگ‘‘23فروری کو سینما گھروں کی زینت بنے گی

نیویارک (اُردو پوائنٹ اخبارتازہ ترین - این این آئی۔ 11 دسمبر2017ء) ہالی ووڈ کی ایکشن سے بھرپور نئی سائنس فکشن تھرلر فلم’’ پیسیفک رم 2، اپ رائزنگ‘‘23فروری کو سینما گھروں کی زینت بنے گی۔2013ء میں سینما گھروں میں دھوم مچانے والی فلم پیسیفک رم کے اس سیکوئل میں زمین پر حملہ آور ہونے والی کئی فٹ بلند خطرناک شیطانی طاقتیں اور بلائیں دکھائی گئی ہیں جن کے خاتمے کیلئے روبوٹس کا سہارا لیا جارہا ہے۔

(جاری ہے)

دیوہیکل روبوٹس اور خطرناک مونسٹرز کے درمیان جاری جنگ پر مبنی اس فلم کی کہانی معروف رائٹر ٹریوس بیچم کے ناول سے ماخوذ ہے جبکہ فلم کی ہدایتکاری کے فرائض اسٹیون ایس ڈی نائٹ نے نبھائے ہیں۔سنسنی خیز مناظر سے بھرپور اس ایکشن تھرلر فلم میں اسکاٹ ایسٹ وڈ سمیت ٹیان چنگ، اینڈریا ارجونا، چارلی ڈے، جان بوئیگا، ڈسٹن کلیئر، لیون میڈن اوربرن گورمن جیسے معروف فنکاروں نے اپنی اداکاری کے جوہر دکھائے ہیں۔لیجنڈنری پکچرز کی تیار کردہ اس فلم کو گوئلرمو ڈیل ٹورواورتھامس ٹل نے مشترکہ طور پر پروڈیوس کیا ہے جو یونیورسل پکچر کے بینر تلے آئندہ سال23فروری کو سنیما گھروں میں نمائش کیلئے پیش کر دی جائے گی۔