سعودی لڑکیوں نے موبائل مارکیٹ میں قدم رکھ کر مواصلاتی شعبے پر نوجوانوں کی اجارہ داری ختم کردی

اتوار 10 دسمبر 2017 16:02

مکہ مکرمہ(اُردو پوائنٹ اخبارتازہ ترین - آئی این پی۔ 10 دسمبر2017ء) سعودی لڑکیوں نے موبائل مارکیٹ میں قدم رکھ کر مواصلاتی شعبے پر نوجوانوں کی اجارہ داری ختم کردی۔

(جاری ہے)

غیر ملکی میڈیا کے مطابق سعودی لڑکیاں موبائل کی اصلاح و مرمت اور خرید و فروخت کے تربیتی کورس کرکے موبائل مارکیٹ میں قدم رکھنے لگیں۔ اسماالقرشی نے بتایا کہ اس نے موبائل کی اصلاح و مرمت اور فروخت کا ایک شو روم قائم کیا ہے۔ وہ سعودی لڑکیوں کو تربیتی کورس کرا رہی ہیں۔ غیر ملکی کارکنان کے نکلنے کے بعد اس مارکیٹ میں سعودیوں کیلئے غیر معمولی امکانات روشن ہوئے ہیں۔180ارب ریال سے زیادہ سالانہ آمدنی کا ذریعہ ہے۔