پریڈ گرائونڈ جلسہ کی کامیابی نے پاکستان اور آزاد کشمیر کی سیاست میں نئے رخ کا تعین کر دیا ہے‘ملک حنیف اعوان

اتوار 10 دسمبر 2017 14:40

مظفرآباد(اُردو پوائنٹ اخبارتازہ ترین - این این آئی۔ 10 دسمبر2017ء) پی پی پی آزاد کشمیر کھاوڑہ حلقہ نمبر چار کے رہنماء ملک حنیف اعوان نے کہا ہے کہ پریڈ گرائونڈ جلسہ کی کامیابی نے پاکستان اور آزاد کشمیر کی سیاست میں نئے رخ کا تعین کر دیا ہے۔آزاد کشمیر کے جیالوں نے قائد کشمیر صدر پی پی پی آزاد کشمیر چوہدری لطیف اکبر کی قیادت میں ہزاروں کی تعداد میں شرکت کر کے حکمرانوں کو حیرت میں ڈال دیا ہے۔

کھاوڑہ سے مرکزی آرگنائزر ممبر کشمیر کونسل اختر پرویز اعوان کی بہترین عوامی رابطہ مہم کے نتیجے میں تاریخی جلوس جلسہ میں شریک ہوئے۔

(جاری ہے)

جیالے مبارکباد کے مستحق ہیں۔جلسہ نے سیاسی جمود توڑنے کے ساتھ یہ ثابت کر دیا ہے کہ مملکت خداداد پاکستان اور آزاد خطہ کے عوام کی بڑی تعداد آج بھی پیپلزپارٹی کے ساتھ ہے۔پاکستانی اور کشمیری عوام کے مینڈیٹ پر گزشتہ عام انتخابات میں شب خون مارا گیا ہے۔

ملک محمد حنیف اعوان نے ملک ہائوس گہل میں کارکنان سے اظہار تشکر کے سلسلہ میں منعقدہ تقریب سے خطاب کرتے ہوئے مزید کہا کہ کارکن بلدیاتی الیکشن کی تیاری کریں بلدیاتی الیکشن میں چوری شدیہ مینڈیٹ مال مسروقہ برآمد کریں کریں گے۔پیپلزپارٹی کو ختم کرنے یا ختم ہونے والوں کو خواب اس جلسہ نے چکنا چور کر دیئے ہیں۔