کراچی ،گلستان جوہر میں پولیس مقابلہ ،

بچے کے اغوا میں ملوث 2 ملزم ہلاک اے وی سی سی اور سی پی ایل سی نے مشترکہ کارروائی کی ،لے اغواکاروں کی شناخت ظہر مرزا اور زکی کے نام سے کرلی گئی

ہفتہ 9 دسمبر 2017 17:10

کراچی (اُردو پوائنٹ اخبارتازہ ترین - این این آئی۔ 09 دسمبر2017ء) گلستان جوہر پہلوان گوٹھ میں قانون نافذ کرنے والے اداروں کی کارروائی میں بچے کے اغوا میں ملوث 2 ملزم ہلاک ہوگئے۔تفصیلات کے مطابق کراچی کے علاقے گلستان جوہر میں کامران چورنگی کے قریب اینٹی وائیلنٹ کرائم سیل (اے وی سی سی) اور سٹیزن پولیس لائژن کمیٹی(سی پی ایل سی)کی جانب سے مشترکہ کارروائی کی گئی، جس کے نتیجے میں تین روز قبل ڈیفنس سے 3 سالہ بچے عبان کو اغوا کرنے والے 2 اغوا کار ہلاک ہوگئے۔

(جاری ہے)

اے وی سی سی کے ایس ایس پی عبداللہ حامد نے بتایا کہ مقابلے میں ہلاک ہونے والے اغواکاروں کی شناخت ظہر مرزا اور زکی کے نام سے کرلی گئی جب کہ اغوا کاروں کے قبضے سے تاوان کی رقم، ایف آئی اے کا جعلی کارڈ اور مغوی بچے کی والدہ کا موبائل فون برآمد ہوا ہے۔ عبداللہ حامد کے مطابق مقابلے میں مارے جانے والے اغوا کاروں نے 3 لاکھ روپے تاوان وصول کر کے بچے کو رہا کیا تھا۔ آئی جی سندھ اے ڈی خواجہ نے اے وی سی سی کی ٹیم کیلئے ایک لاکھ روپے انعام کا اعلان کردیا۔