کوئٹہ ،گیس لیکج واقعات میں دم گھٹنے سے 2 افراد جاں بحق،

2 جھلس کر زخمی

ہفتہ 9 دسمبر 2017 13:12

کوئٹہ ،گیس لیکج واقعات میں دم گھٹنے سے 2 افراد جاں بحق،

کوئٹہ(اُردو پوائنٹ اخبارتازہ ترین - آئی این پی۔ 09 دسمبر2017ء) گیس لیکج کے دو الگ الگ واقعات میں دم گھٹنے سے 2 افراد جاں بحق اور 2 جھلس کر زخمی ہوگئے۔ریسکیو ذرائع کے مطابق کوئٹہ کے علاقے کلی دیبہ میں ایک مکان میں گیس بھر گئی جس کے نتیجے میں دم گھٹنے سے 2 افراد جاں بحق ہوگئے۔

(جاری ہے)

واقعے کی اطلاع ملنے پر ریسکیو اہلکاروں نے موقع پر پہنچ کر دونوں افراد کی لاشوں کو اسپتال منتقل کیا۔

اسپتال ذرائع کے مطابق مرنے والے دونوں افراد میٹرو پولیٹن کارپوریشن کے ملازم تھے جن کی شناخت کلو اور محمد انور کے نام سے ہوئی۔دوسری جانب پولیس لائن کے کوارٹر میں بھی گیس لیکج کا واقعہ پیش آیا جس میں دو پولیس اہلکار وقار اور راشد اقبال جھلس کر زخمی ہوگئے جنہیں طبی امداد کے لیے بولان میڈیکل اسپتال منتقل کردیا گیا۔