آصف زرداری کا ٹھٹھہ میں کشتی حادثے پر اظہار افسوس ،حکومت سندھ سے رپورٹ طلب کر لی

جمعرات 7 دسمبر 2017 18:54

اسلام آباد(اُردو پوائنٹ اخبارتازہ ترین - این این آئی۔ 07 دسمبر2017ء) پاکستان پیپلز پارٹی پارلیمنٹرینز کے صدر اور سابق صدر پاکستان آصف علی زرداری نے ٹھٹھہ میں کشتی کے حادثے پر افسوس کا اظہار کرتے ہوئے حکومت سندھ سے حادثے کی رپورٹ طلب کر لی ہے۔

(جاری ہے)

آصف علی زرداری نے منتخب نمائندوں اور پارٹی عہدیداروں کو بھی ہدایت کی ہے کہ وہ حادثے کے متاثرین کی مدد کریں۔ انہوں نے حکومت سندھ سے کہا ہے کہ اس طرح کے حادثات روکنے کے لئے مکمل اقدامات اٹھائے جائیں۔ آصف علی زرداری نے یہ بھی ہدایت کی ہے کہ جاں بحق افراد کو معاوضہ دیا جائے اور زخمیوں کے علاج کے لئے ہر ممکن سہولیات دی جائیں۔ آصف علی زرداری نے جاں بحق افراد کے لواحقین سے ہمدردی اور تعزیت کا اظہار بھی کیا۔