سکیورٹی فورسز کی آپریشن رد الفساد کے تحت خیبر ایجنسی میں کارروائی ،ْبارودی سرنگیں بنانے کی فیکٹری ناکارہ بنا دی

ْ دہشتگردوں کی طرف سے چھپایا گیا اسلحہ اور گولہ بارود بر آمد کرلیا گیا ،ْآئی ایس پی آر

جمعرات 7 دسمبر 2017 16:30

راولپنڈی (اُردو پوائنٹ اخبارتازہ ترین - این این آئی۔ 07 دسمبر2017ء) سکیورٹی فورسز نے آپریشن رد الفساد کے تحت خیبر ایجنسی میں کارروائی کرتے ہوئے بارودی سرنگیں بنانے کی فیکٹری ناکارہ بنا دی جبکہ دہشتگردوں کی طرف سے چھپایا گیا اسلحہ اور گولہ بارود بر آمد کرلیا گیا ۔

(جاری ہے)

آئی ایس پی آ ر کے مطابق سکیورٹی فورسز نے خیبرایجنسی کے گائوں شیخاں کے قریب نگروسہ الجد کے علاقہ میں سر چ آپریشن کیا ۔

آپریشن کے دور ان چار غار ،ْ تین کمپائونڈز کا پتہ چلایاگیا جبکہ ایک بارودی سرنگیںبنانے والی فیکٹری ناکارہ بنائی گئی ۔دہشتگردوں کی طرف سے چھپایا گیااسلحہ اور گولہ بارود بھی برآمد کیاگیا جن میں بارودی سرنگیں ،ْ گرنیڈ ،ْمختلف قسم کا اسلحہ ،ْ دھماکہ خیز مواد اور بارودی سرنگیں بنانے کی اشیاء شامل تھیں ۔