اسپتالوں میں استعمال ہونے والے آلات کی بین الاقوامی نمائش آئندہ ماہ دبئی میں ہوگی

جمعرات 7 دسمبر 2017 13:35

اسلام آباد ۔ (اُردو پوائنٹ اخبارتازہ ترین - اے پی پی۔ 07 دسمبر2017ء) اسپتالوں میں استعمال ہونے والے آلات کی بین الاقوامی نمائش آئندہ ماہ دبئی میں منعقد ہوگی۔ نمائش میں متعدد پاکستانی کمپنیوں کی شرکت متوقع ہے۔’’عرب ہیلتھ‘‘ کے نام سے منعقدہونے والی اس نمائش میں بین الاقوامی کمپنیاں اسپتالوں میں استعمال ہونے والے آلات خریداروں کے سامنے پیش کریں گی۔

(جاری ہے)

پاکستان طبی، سرجیکل اوراسپتالوں کے آلات تیارکرنے والے ممالک میں شامل ہے اورہرسال پاکستان طبی وجراحی آلات کی برآمدسے قیمتی زرمبادلہ کماتاہے۔ رواں مالی سال کے ابتدائی تین مہینوں میں سرجیکل آلات کی برآمدات سے پاکستان نے 91295 ڈالر کا زرمبادلہ حاصل کیا جبکہ گذشتہ سال اسی عرصہ میں 74423 ڈالر کا زرمبادلہ حاصل کیا گیا تھا، یوں اضافہ کی شرح 22.67 فیصد ریکارڈ کی گئی۔

Facebook Twitter Google + Share on Whatsapp

اسپتالوں میں استعمال ہونے والے آلات کی بین الاقوامی نمائش آئندہ ماہ دبئی میں ہوگی

متعلقہ عنوان :

مزید تجارتی خبریں