بھارت میں جرائم کی تعداد میں اضافہ ریکارڈ
جرائم کے سب سے زیادہ واقعات اتر پردیش میں رونما ہوئے جبکہ دیگر شہروں میں نئی دہلی سرفہرست رہا
منگل 5 دسمبر 2017 04:30
(جاری ہے)
رپورٹ کے مطابق جرائم کے لحاظ سے صوبہ اترپردیش سرفہرست رہا۔
یہاں سب سے زیادہ 9.5 فیصد جرائم درج کئے گئے۔ دوسرے نمبر پر مدھیہ پردیش اور تیسرے نمبر پر مہاراشٹر رہا جہاں ایسے واقعات کی شرح بالترتیب 8.9 اور 8.8 فیصد رہی۔ ان تینوں صوبوں میں بھارتیہ جنتا پارٹی کی حکومت ہے۔ دلتوں یعنی انتہائی پسماندہ سمجھے جانے والی ذاتوں کے خلاف جرائم میں بھی سب سے زیادہ اضافہ ان پانچ صوبوں میں ہوا جہاں بھارتیہ جنتا پارٹی یا اس کی اتحادی جماعت کی حکومت ہے۔ دلتوں کے خلاف جرائم کے لحاظ سے مدھیہ پردیش سرفہرست رہا۔ اس کے بعد راجستھان، گوا، بہار اور گجرات کا نمبرآتا ہے۔ این سی آر بی کے مطابق سال 2016 میں دلتوں کے خلاف جرائم میں 5.5 فیصد کا اضافہ ہوا۔ رپورٹ کے مطابق خواتین کے خلاف مجموعی طور پر جرائم کی تعداد میں 2.9 فیصد کا اضافہ ہوا ہے۔ خواتین کے خلاف جرائم کے سب سے زیادہ 15.5 فیصد (49262) واقعات اترپردیش میں پیش آئے۔ اس کے بعد مغربی بنگال کا نمبر آتا ہے، جہاں 32513 واقعات (9.6 فیصد) درج کیے گئے۔ جنسی زیادتی کے واقعات میں 2016ء میں 12.5 فیصد کا اضافہ ہوا۔ سال 2016 ء عصمت دری کے 38947 واقعات رونماء ہوئے۔ ان میں سب سے زیادہ واقعات (12.4 فیصد) مدھیہ پردیش میں پیش آئے۔ اتر پردیش (12.4فیصد) دوسرے اور مہاراشٹر (10.7فیصد) تیسرے نمبر پر رہا۔ خواتین کے خلاف تشدد کے زیادہ تر واقعات میں شوہر یا قریبی رشتہ دار ملوث تھے۔ قومی دارالحکومت دہلی ملک کے انیس بڑے شہروں میں سب سے غیر محفوظ شہر رہا۔ یہاں خواتین کے ساتھ زیادتی کے تقریباً چالیس فیصد اور خواتین کے خلاف دیگر جرائم کے 33 فیصد واقعات درج کئے گئے۔ خواتین کے خلاف جرائم میں ان کے ساتھ دست درازی، اغواء اور جنسی زیادتی شامل ہیں۔ اطلاعات کے مطابق دہلی میں ہر روز اوسطاً گیارہ خواتین کواغواء کیا گیا۔مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.