یمنی جنگجووں کا ابو ظہبی نیوکلیئر پاور پلانٹ پر کروز میزائل حملے کا دعویٰ

متحدہ عرب امارات نے میزائل حملے کی تردیدکردی،کسی نے ایسا کیا نہ پروجیکٹ کو خطرہے،اماراتی حکام

پیر 4 دسمبر 2017 12:10

یمنی جنگجووں کا ابو ظہبی نیوکلیئر پاور پلانٹ پر کروز میزائل حملے کا ..

ابوظہبی(اُردو پوائنٹ اخبارتازہ ترین - این این آئی۔ 04 دسمبر2017ء) یمن کے جنگجووں نے اپنی سوشل میڈیا ویب سائٹ پر ابو ظہبی نیوکلیئر پاور پلانٹ پر کروز میزائل حملے کا دعویٰ کیا ہے تاہم متحدہ عرب امارات نے حوثیوں کی جانب سے اماراتی نیوکلیئر پاور پلانٹ پر میزائل حملے کی خبروں کی تردید کردی۔

(جاری ہے)

عرب ٹی وی کے مطابق متحدہ عرب امارات کے نیشنل ایمرجنسی کرائسس اور ڈیزاسٹر اتھارٹی نے جنگجووں کی جانب سے سوشل میڈیا پر جاری کردہ کروز میزائل حملے کے دعوے کی تردید کرتے ہوئے کہا کہ یمن کی جانب سے کوئی میزائل اماراتی حدود میں نہیں آیا اور نہ ہی ابوظہبی کے نیوکلیئر پاور پروجیکٹ کو کوئی خطرہ ہے ۔

دوسری جانب یمن کے جنگجووں نے اپنی سوشل میڈیا ویب سائٹ پر ابو ظہبی نیوکلیئر پاور پلانٹ پر کروز میزائل حملے کا دعویٰ کیا تھا۔