دھرنا آپریشن،بلوچستان بھر میں احتجاج ،قومی شاہراہ کو ٹریفک کے لئے بند کر دیا گیا

ہفتہ 25 نومبر 2017 16:01

کوئٹہ (اُردو پوائنٹ اخبارتازہ ترین - آن لائن۔ 25 نومبر2017ء) کوئٹہ سمیت بلوچستان بھر میں اسلام آباد دھرنا کے خلاف آپریشن کے بعد کئی علاقوں میں احتجاج کوئٹہ کراچی اور کوئٹہ سبی شاہراہ کو بند کر دیا گیا تفصیلات کے مطابق اسلام آباد دھرنے پر آپریشن شروع ہو نے کے بعد کوئٹہ سمیت بلوچستان کے مختلف علاقوں میں مشتعل مظاہرین نے احتجاج شروع کر دیا جبکہ مظاہرین نے کوئٹہ کراچی قومی شاہراہ کو حب چوکی کے مقام پر بلاک کر دیا جبکہ سبی، نصیرآباد، جعفرآباد سمیت دیگر علاقوں میں مظاہرے کئے گئے اور مطالبہ کیا کہ اسلام آباد دھرنے کے خلاف جاری آپریشن کو فوری طور پر بند کیا جائے کیونکہ آپریشن کرنے سے مسائل مزید گھمبیر ہو گی ۔