آرمی چیف کا وزیراعظم کو فون ، دھرنا پر امن طریقے سے حل کرنے کا مشورہ

دونوں اطراف سے تشدد سے بچا جائے ، تشدد قومی مفاد اور ہم آہنگی کیلئے ٹھیک نہیں،جنرل قمر جاوید باجوہ

ہفتہ 25 نومبر 2017 15:30

راولپنڈی (اُردو پوائنٹ اخبارتازہ ترین - آئی این پی۔ 25 نومبر2017ء) آرمی چیف جنرل قمر جاوید باجوہ نے وزیراعظم شاہد خاقان عباسی کو اسلام آباد دھرنا پر امن طریقے سے حل کرنے کا مشورہ دے دیا، دونوں اطراف سے تشدد سے بچا جائے، تشدد قومی مفاد اور ہم آہنگی کیلئے ٹھیک نہیں ہے۔

(جاری ہے)

ہفتہ کو پاک فوج کے شعبہ تعلقات عامہ (آئی ایس پی آر)کے ڈی جی میجر جنرل آصف غفور نے اپنے ٹویٹ میں کہا کہ آرمی چیف جنرل قمر جاوید باجوہ نے وزیراعظم شاہد خاقان عباسی کو ٹیلیفون کیا۔ آرمی چیف نے وزیراعظم کو فیض آباد دھرنے کا مسئلہ پر امن طریقے سے حل کرنے کا مشورہ دیا۔ آرمی چیف نے کہا کہ دونوں اطراف سے تشدد سے بچا جائے کیونکہ تشدد ملکی ہم آہنگی اور قومی مفاد کیلئے ٹھیک نہیں ہے۔