جنید جمشید کی زندگی پر مبنی دستاویزی فلم ’’آنسو‘‘ یکم دسمبر کو ریلیز ہوگی

ہفتہ 25 نومبر 2017 13:00

لاہور (اُردو پوائنٹ اخبارتازہ ترین - آئی این پی۔ 25 نومبر2017ء) مذکور فلم میں جنیدجمشیدکی شخصیت کی پوشیدہ جہتوں کواجاگرکیاگیاہے جو اس سے قبل منظرعام پرنہیں آسکیں۔فلم میں ان کے انتقال سے قبل سلمان احمدکے ساتھ ہونے والی دلچسپ گفتگو شامل ہے اور7دسمبر2016 کوان کے انتقال سے قبل جہازمیں ہونے والی گفتگوبھی موجودہے۔

(جاری ہے)

بتایاگیاہے کہ جنیدجمشید اپنی زندگی میں آ نسوکے نام سے ایک سپیل پراجیکٹ تیارکرناچاہتے تھے جس کامرکزی خیال معروف صوفی شاعربلھے شاہ کی نظم کدے آمل یارپیاریاکے گردگھومتاہے۔

تاہم زندگی نے انہیں اتنی مہلت نہ دی کہ وہ اسے مکمل کرسکتے۔ ڈاکیومنٹری میں یہ بھی دکھایاگیاہے کہ جنیدجمشید دنیاکوکس پہلوسے دیکھتے تھے اوران کی فکر کیاتھی۔ اس میں یہ بھی دکھایاگیاہے کہ وہ اپنے دوستوں ، خاندان کے افراد،پرستاروں اوراپنے وطن پاکستان سے کس طرح محبت کرتے تھے۔فلم کے پروڈیوسراورہدایتکارپاکستانی نڑادامریکی شہری عمران احمدخان ہیں۔