فیض آباد آپریشن ، نواز شریف نے وزیر اعظم شاہد خاقان عباسی کو اہم ہدایات جاری کر دیں

سمیرا فقیرحسین ہفتہ 25 نومبر 2017 10:59

لاہور (اُردو پوائنٹ تازہ ترین اخبار۔ 25 نومبر 2017ء) :وزیر اعظم شاہد خاقان عباسی سابق وزیر اعظم نواز شریف اور وزیر اعلیٰ پنجاب شہباز شریف سے ملاقات کے لیے رائے ونڈ پہنچے ۔ ملاقات میں وزیر اعظم شاہد خاقان عباسی نے نواز شریف کو فیض آباد میں دھرنا مظاہرین کے خلاف پولیس آپریشن پر بریفنگ دی ۔

(جاری ہے)

شاہد خاقان عباسی نے بتایا کہ آپریشن میںصرف آنسو گیس کا استعمال کیا جا رہا ہے ۔ انہوں نے یقین دہانی کروائی کہ آپریشن کرنے والے کسی اہلکار کے پاس اسلحی موجود نہیں ہے ۔ جس پر نواز شریف نے ہدایات دیں کہ دھرنے کے خلاف آپریشن میں احتیاط برتی جائے اور کسی قسم کا جانی نقصان ہونے سے ہر صورت بچا جائے۔