احسن اقبال سے برطانوی ہائی کمشنر تھامس ڈریو کی ملاقات ،ْ سیکورٹی اور معاشی تعاون کو مزید مستحکم کرنے پر اتفاق

دونوں ممالک کے تعلقات کو اعلیٰ تعلیم کے شعبہ میں مزید گہرا کرنا چاہتے ہیں ،ْملاقات میں بات چیت

جمعہ 24 نومبر 2017 22:27

احسن اقبال سے برطانوی ہائی کمشنر تھامس ڈریو کی ملاقات ،ْ سیکورٹی اور ..

اسلام آباد (اُردو پوائنٹ اخبارتازہ ترین - این این آئی۔ 24 نومبر2017ء) وزیر داخلہ پروفیسر احسن اقبال سے برطانیہ کے ہائی کمشنر تھامس ڈریو نے جمعہ کو ملاقات کی۔ وزارت داخلہ سے جاری بیان کے مطابق ملاقات میں دونوں ممالک کے مابین باہمی تعلقات زیر غور آئے جبکہ سیکورٹی اور معاشی تعاون کو مزید مستحکم کرنے پر اتفاق پایا گیا۔

(جاری ہے)

وزیر داخلہ نے کہا کہ پاکستان اور برطانیہ کے تعلقات کی بنیاد باہمی خیر سگالی پر ہے۔

انہوں نے اس بات پر زور دیا کہ دونوں ممالک کے تعلقات کو اعلیٰ تعلیم کے شعبہ میں مزید گہرا کرنا چاہتے ہیں۔ وزیر داخلہ نے کہا کہ برطانیہ کے ساتھ اقتصادی اور سیکورٹی کے شعبوں میں تعاون دونوں ممالک کے مفاد میں ہے۔ انہوں نے کہا کہ سی پیک کی کامیابی سے سرمایہ کاری کیلئے پیدا ہونے والے مواقع سے برطانوی سرمایہ کاروں کو فائدہ اٹھانا چاہئے۔