جرات مند شہید میجر اسحق کی شہادت پر پوری قوم کو فخر ہے۔راحیل نجمی

جمعہ 24 نومبر 2017 17:29

راولپنڈی ۔ (اُردو پوائنٹ اخبارتازہ ترین - اے پی پی۔ 24 نومبر2017ء) پاکستان مسلم لیگ ضیاء گروپ راولپنڈی سٹی کے صدر اور حلقہ پی پی12 سے صوبائی اسمبلی کے امیدوار راحیل نجمی نے کہا ہے کہ پاکستان کے جرات مند شہید میجر اسحق کی شہادت پر پوری قوم کو فخر ہے دہشتگردی کے خلاف جنگ میں پاک فوج کی قربانیاں ناقابل فراموش ہیں، چیف آف آرمی اسٹاف جنرل قمر باجوہ کی قیادت میں پاک فوج کے جوان و افسران وطن عزیز کے دفاع کے لئے اپنی جانیں قربان کر رہے ہیں مادر وطن سے آخری دہشتگرد کے خاتمے تک چین سے نہیں بیٹھیں گے۔

(جاری ہے)

اپنے ایک بیاں میں راحیل نجمی نے کہا کہ پاکستان کو اس وقت اندرونی و بیرونی خطرات کا سامنا ہے پاک فوج دونوں محاذوں پر جنگ لڑ رہی ہے بیس کروڑ عوام پاک فوج کی پشت پر کھڑے ہیں ۔

Facebook Twitter Google + Share on Whatsapp

جرات مند شہید میجر اسحق کی شہادت پر پوری قوم کو فخر ہے۔راحیل نجمی

متعلقہ عنوان :

مزید قومی خبریں