پاکستان کرکٹ بورڈ کا قائد اعظم کرکٹ ٹرافی کے سپر ایٹ مرحلے کے شیڈول کا اعلان

سپر ایٹ مرحلے کا آغاز 29 نومبر سے ہو گا ، ایک ساتھ چار میچ شروع ہوں گے ، شیڈول

جمعہ 24 نومبر 2017 17:23

پاکستان کرکٹ بورڈ کا قائد اعظم کرکٹ ٹرافی کے سپر ایٹ مرحلے کے شیڈول ..

اسلام آباد (اُردو پوائنٹ اخبارتازہ ترین - آئی این پی۔ 24 نومبر2017ء) پاکستان کرکٹ بورڈ نے قائد اعظم کرکٹ ٹرافی کے سپر ایٹ مرحلے کے شیڈول کا اعلان کر دیا ہے ،سپر ایٹ مرحلے کا آغاز 29 نومبر سے ہو گا اور ایک ساتھ چار میچ شروع ہوں گے۔

(جاری ہے)

پی سی بی نے قائد اعظم ٹرافی کے سپر ایٹ مرحلے کے شیڈول کا اعلان کر دیا جس کے تحت سپر ایٹ کے ابتدائی مرحلے کے تین میچز کراچی جبکہ ایک میچ حیدر آباد سٹیڈیم، سندھ میں کھیلا جائے گا، یو بی ایل سپورٹس کمپلیکس کراچی میں لاہور بلیوز اور لاہور وائٹس، این بی پی سپورٹس کمپلیکس کراچی سٹیڈیم میں ایس این جی پی ایل اور حبیب بینک، سٹیٹ بینک آف پاکستان سپورٹس کمپلیکس گرائونڈ کراچی میں کے آر ایل اور واپڈا جبکہ نیاز سٹیڈیم، حیدرآباد سندھ میں یو بی ایل اور ایس ایس جی سی کے درمیان میچ شروع ہو گا ۔