زرداری اور فرزند نوازشریف کو طعنے نہ دیں ،ْخواجہ آصف

ہم نے جواب دیا تو سیاسی برادری کا نقصان ہو گا ،ْ مہربانی کریں ہمیں خا موش رہنے دیں ،ْ بیان

جمعہ 24 نومبر 2017 14:29

زرداری اور فرزند نوازشریف کو طعنے نہ دیں ،ْخواجہ آصف

اسلام آباد (اُردو پوائنٹ اخبارتازہ ترین - این این آئی۔ 24 نومبر2017ء) وزیر خارجہ اور مسلم لیگ (ن )کے رہنما خواجہ آصف نے کہا ہے کہ زرداری صاحب اور فرزند ارجمند نواز شریف کو طعنے نہ دیں۔سابق صدر اور پاکستان پیپلز پارٹی کے شریک چیئرمین آصف زرداری کے مفاہمت سے انکار اور نواز شریف پر تنقید کے بعد خواجہ آصف کا ردعمل سامنے آیا ۔

(جاری ہے)

وزیر خارجہ نے سماجی رابطے کی ویب سائٹ ٹوئٹر پر اپنے پیغام میں کہا کہ ہم نے جواب دیا تو سیاسی برادری کا نقصان ہو گا ،ْ مہربانی کریں ہمیں خا موش رہنے دیں۔

انہوں نے کہا کہ ہمارا ظرف بھی اجازت نہیں دیتا ،ْزرداری صاحب محترم دانشمندہیں، اشارہ سمجھتے ہیں ،ْ اللہ انہیں خوش رکھے۔واضح رہے کہ گزشتہ روز نواز شریف کی جانب سے ہاتھ ملانے کی پیش کش ٹھکراتے ہوئے آصف زرداری نے کہا تھا کہ سربراہ ن لیگ کو میثاقِ جمہوریت صرف اپنی ذات کیلئے یاد آتا ہے۔