چیئرمین پیمرا کا دورگوجرانوالہ ، کیبل آپریٹرز کے مسائل سنے

کیبل آپریٹرز کے مسائل کا حل پہلی ترجیح ہے، پیمرا افسران کو مسائل ترجیحی بنیادوں پر حل کرنے کی ہدایت

جمعرات 23 نومبر 2017 19:23

حافظ آباد(اُردو پوائنٹ اخبارتازہ ترین - آئی این پی۔ 23 نومبر2017ء) چیئرمین پیمرا البصار عالم نے کہا ہے کہ کیبل آپریٹرز کے مسائل کا حل پہلی ترجیح ہے۔ اس ضمن میں کسی قسم کی کوتاہی برداشت نہیں کی جائیگی، ان خیالات کااظہار انہوں نے گذشتہ روز پیمرا آفس گوجرانوالہ کے دورہ کے موقع پر افسران سے میٹنگ کے بعد چیئرمین انجمن اصلاح معاشرہ چودھری امتیاز احمد تاج سے ملاقات کے دوران گفتگو کرتے ہوئے کیا۔

(جاری ہے)

قبل ازیں انہوں نے میٹنگ کے دوران افسران کو ہدائت کی کے کیبل آپریٹرز کو درپیش مسائل سماعت کے بعد فوری حل کئے جائیں تاکہ ناظرین کو اس ضمن میں سستی تفریح کی فراہمی کا تسلسل جاری رہے۔ چودھری امتیاز احمد تاج نے اس موقع پر گفتگو کرتے ہوئے چیئرمین پیمرا کو خراج تحسین پیش کرتے ہوئے کہا کہ کیبل آپریٹرز کے مسائل سے آگاہی کیلئے پہلی مرتبہ ضلعی سطح پر براہ راست کیبل آپریٹرز سے رابطہ کیا جارہا ہے۔