نیچرل مسٹر اولمپیا مقابلے،سلور میڈلسٹ نوید بٹ لاہور پہنچ گئے

نامساعد حالات میں ٹریننگ کر کے امریکا گیا، سفری اخراجات کیلئے ادھار رقم لی، باڈی بلڈر نوید بٹ

جمعرات 23 نومبر 2017 15:43

لاہور(اُردو پوائنٹ اخبارتازہ ترین - آئی این پی۔ 23 نومبر2017ء) امریکا کے شہر لاس ویگاس میں نیچرل مسٹر اولمپیا مقابلوں میں پاکستان کے لیے سلور میڈل جیتنے والے باڈی بلڈر نوید بٹ لاہور پہنچ گئے ۔پولیو سے متاثرہ باڈی بلڈر نوید بٹ نے لاس ویگاس میں فزیکلی چیلجنڈ کلاس میں سلور میڈل جیتا تھا۔نوید بٹ اس سے قبل تین مرتبہ گولڈ میڈل جیت چکے ہیں۔لاس ویگاس میں ہونے والے مقابلوں میں چالیس سے زائد ممالک کے باڈی بلڈرز نے حصہ لیا۔

(جاری ہے)

نوید احمد بٹ جسمانی طورپر پولیو کا مریض ہے۔ ایئرپورٹ پہنچنے پر قومی ہیرو کا باڈی بلڈنگ ایسوسی ایشن اور رشتہ داروں کی جانب سے شاندار استقبال کیا گیا۔لاہور ایئر پورٹ پر نوید بٹ کا کہنا تھا کہ وہ نامساعد حالات میں ٹریننگ کر کے امریکا گئے،انہوں نے سفری اخراجات کے لیے ادھار رقم لی تھی۔انہوں نے کہا کہ چوتھی مرتبہ گولڈ میڈل جیتنے کی خواہش پوری نہ ہو سکی لیکن وہ سلور میڈل جیتنے پر بھی بہت خوش ہیں۔

Facebook Twitter Google + Share on Whatsapp

نیچرل مسٹر اولمپیا مقابلے،سلور میڈلسٹ نوید بٹ لاہور پہنچ گئے

نامساعد حالات میں ٹریننگ کر کے امریکا گیا، سفری اخراجات کیلئے ادھار رقم لی، باڈی بلڈر نوید بٹ

متعلقہ عنوان :

مزید کھیلوں کی خبریں