جولائی تا اکتوبر کے دوران مچھلی اور سمندری خوراک کی برآمدات میں6.10 فیصد اضافہ ریکارڈ

جمعرات 23 نومبر 2017 14:47

اسلام آباد ۔ (اُردو پوائنٹ اخبارتازہ ترین - اے پی پی۔ 23 نومبر2017ء) رواں مالی سال کے ابتدائی چار مہینوں میں ملک میں مچھلی اورسمندری خوراک کی برآمدات میں گذشتہ سال کے اسی عرصہ کے مقابلے میں6.10فیصداضافہ ریکارڈکیاگیا۔

(جاری ہے)

ادارہ شماریات پاکستان کے اعدادوشمارکے مطابق جولائی سے لیکر اکتوبرتک مچھلیوں اورسمندری خوراک کی برآمدات سے پاکستان نے 121.810ملین ڈالر کا زرمبادلہ حاصل کیا جبکہ گذشتہ سال اس عرصہ میں برآمدات سے پاکستان کو 114.802ملین ڈالر کازرمبادلہ حاصل ہواتھا،یوں اضافہ کی شرح 6.10فیصدرہی۔

مقداری لحاظ سے مچھلیوں اورسمندری خوراک کی برآمدات میں اضافہ کی شرح13.31فیصد رہی۔ گذشتہ مالی سال کے ابتدائی چارمہینوں میںملک میں مچھلیوں اورسمندری خوراک کی برآمدات کامقداری حجم 40871میٹرک ٹن تھا جبکہ رواں مالی سال کے ابتدائی چارمہینوں میںملک میں مچھلیوں اورسمندری خوراک کی برآمدات کا مقداری حجم 46,311 میٹرک ٹن رہا۔

Facebook Twitter Google + Share on Whatsapp

جولائی تا اکتوبر کے دوران مچھلی اور سمندری خوراک کی برآمدات میں6.10 فیصد اضافہ ریکارڈ

متعلقہ عنوان :

مزید تجارتی خبریں