جنرل قمر جاوید باجوہ نے ڈیرہ اسماعیل خان میں شہید میجر اسحاق کی نماز جنازہ میں شرکت کی،شہید اور ان کے خاندان کو بے مثال قربانی پر خراج عقیدت پیش کیا

بدھ 22 نومبر 2017 23:40

اسلام آباد ۔ (اُردو پوائنٹ اخبارتازہ ترین - اے پی پی۔ 22 نومبر2017ء) چیف آف آرمی سٹاف جنرل قمر جاوید باجوہ نے بدھ کو ڈیرہ اسماعیل خان میں شہید میجر اسحاق کی نماز جنازہ میں شرکت کی۔ آرمی چیف نے شہید اور ان کے خاندان کو بے مثال قربانی پر خراج عقیدت پیش کیا۔

(جاری ہے)

آئی ایس پی آر سے جاری پریس ریلیز کے مطابق آرمی چیف نے ملٹری پولیس ٹریننگ کور کا دورہ کیا اور لیفٹیننٹ جنرل انور علی حیدر کو ایجوٹینٹ جنرل ملٹری پولیس کور کے کرنل کمانڈنٹ کے بیج لگائے۔ انہوں نے فرنٹیئر کور کے پی کے اور ڈیفنس سروسز گارڈ(ڈی ایس جی)کا بھی دورہ کیا، آرمی چیف کو ایف سی کی استعداد کار بڑھانے،آپریشنل تیاریوں اور جاری آپریشن سمیت ڈی ایس جی کی ٹریننگ ایڈمنسٹریشن سے متعلق بریفنگ بھی دی گئی۔