عمران خان نے الیکشن کمیشن کی جانب سے عائشہ گلالئی کو نا اہل نہ کرنے کے فیصلے کو سپریم کورٹ میں چیلنج کر دیا

بدھ 22 نومبر 2017 22:10

اسلام آباد (اُردو پوائنٹ اخبارتازہ ترین - این این آئی۔ 22 نومبر2017ء) چیئرمین تحریک انصاف عمران خان نے الیکشن کمیشن کی جانب سے عائشہ گلالئی کو نا اہل نہ کرنے کے فیصلے کو سپریم کورٹ میں چیلنج کر دیا۔ انہوں نے اپیل میں موقف اختیار کیا کہ عائشہ گلالئی نے پی ٹی آئی کے وزارت عظمیٰ کے امیدوار شیخ رشید کو ووٹ نہیں دیا تھا۔

(جاری ہے)

پارٹی پالیسی کیخلاف چلنے پر وہ آئین کے تحت اسمبلی رکنیت سے نا اہل ہو چکی ہیں۔ الیکشن کمیشن ریفرنس میں اٹھائے گئے قانونی نکات کو زیرِ غور نہیں لایا اور حقائق کے برعکس فیصلہ دیا۔عمران خان نے سپریم کورٹ استدعا کی ہے کہ الیکشن کمیشن کا عائشہ گلالئی کیخلاف ریفرنس خارج کرنے کا فیصلہ کالعدم قرار دیتے ہوئے اسمبلی رکنیت سے نا اہل قرار دیا جائے۔