تحریک انصاف کے اتحادی جمشید دستی نے بھی عمران خان سے راستے جدا کرنے کا اعلان کر دیا

محمد علی بدھ 22 نومبر 2017 20:21

اسلام آباد (اُردو پوائنٹ اخبارتازہ ترین۔ 22 نومبر2017ء) تحریک انصاف کے اتحادی جمشید دستی نے بھی عمران خان سے راستے جدا کرنے کا اعلان کر دیا ہے۔ تفصیلات کے مطابق رکن قومی اسمبلی جمشید دستی نے بھی تحریک انصاف سے اتحاد ختم کرنے کا اعلان کر دیا ہے۔

(جاری ہے)

جمشید دستی کا کہنا ہے کہ انہیں حیرانگی ہے کہ عمران خان اپنے نظریے سے ہٹ کر پی ٹی آئی میں مردہ گھوڑے اور کھوٹے سکے شامل کر رہے ہیں۔ جمشید دستی نے اعلان کیا ہے کہ وہ بھی جنوبی پنجاب میں تحریک انصاف کے جلسوں کے جواب میں جلسوں کا انعقاد کریں گے۔ وہ جنوبی پنجاب میں تنہاء تمام سیاسی جماعتوں کا مقابلہ کریں گے۔