پاکستان تحریک انصاف کے سربراہ عمران خان نے فاٹا کو خیبرپختونخوا میں ضم کرنے کیلئے سپریم کورٹ سے رجوع کرلیا

صوبائی حکومت فاٹا کو کے پی کے یں ضم کرنے کیلئے رضامند ہے ،ْ عدالت فاٹا کو کے پی کے میں ضم کرنے کا حکم دے ،ْدرخواست میں استدعا

بدھ 22 نومبر 2017 15:16

پاکستان تحریک انصاف کے سربراہ عمران خان نے فاٹا کو خیبرپختونخوا میں ..

اسلام آباد(اُردو پوائنٹ اخبارتازہ ترین - این این آئی۔ 22 نومبر2017ء) فاٹا کوخیبرپختونخوا میں ضم کرنے کیلئے پاکستان تحریک انصاف کے سربراہ عمران خان نے سپریم کورٹ سے رجوع کرتے ہوئے آئینی درخواست دائرکردی ہے۔میڈیا ر پورٹ کے مطابق عمران خان نے سپریم کورٹ میں دائر آئینی درخواست میں مؤقف اختیارکیا کہ صوبائی حکومت فاٹا کو کے پی کے یں ضم کرنے کیلئے رضامند ہے، صوبائی اسمبلی فاٹا کے انضمام پر قرارداد بھی منظور کر چکی جبکہ صدر مملکت نے فاٹا اصلاحات پیکج کا اعلان بھی کردیا ہے۔

(جاری ہے)

درخواست میں چیئرمین تحریک انصاف کا کہنا ہے کہ آئین تمام شہریوں کو برابری کی بنیاد پر بنیادی حقوق فراہم کرتا ہے، خیبرپختونخوا حکومت نے فاٹا کو کے پی کے میں ضم کرنے کیلئے اپنی تمام آئینی ذمہ داریوں کو پورا کیا ہے اور عدالت آنے سے پہلے تمام فورمز پر معاملہ اٹھا چکے ہیں۔ انکا مزید کہنا ہے کہ صدر مملکت کو فاٹا میں امن اور گورننس کیلئے قانون سازی کا اختیار ہے۔درخواست میں استدعا کی گئی کہ عدالت فاٹا کو کے پی کے میں ضم کرنے کا حکم دے۔ درخواست میں صدر مملکت‘ وزارت قانون‘ سیفران اور فاٹا سیکرٹریٹ کو فریق بنایا گیا ہے۔