ریسکیو مو با ئل ایمر جنسی میڈیکل رسپا نس یونٹ کاافتتاح

پشاور ۔ (اُردو پوائنٹ اخبارتازہ ترین - اے پی پی۔ 22 نومبر2017ء) ریسکیو 1122کے زیر انتظام مو با ئل ایمر جنسی میڈیکل ریسپا نس یو نٹ کاافتتاح کردیاگیا،ریسکیو1122ہیڈ کوارٹر پشاور میں ہونیوالی تقریب کے مہمان خصوصی سیکرٹری ریلیف ری ہبلیٹیشن اینڈ سیٹلمنٹ ظا ہر شاہ تھے۔ اس موقع پر خطاب کرتے ہوئے ڈائریکٹر جنرل ڈاکٹر اسد علی خان نے کہا کہ صو با ئی حکو مت کے تعاون سے پا کستا ن کی تاریخ میں پہلی مرتبہ میڈیکل بس سروس کا آغا ز کیا جا رہا ہے جو کہ بنیا دی طور پر تین حصو ں پر مشتمل ہے پہلا حصہ منی آپریشن تھیٹر ، منی لیبارٹری اوربلڈ بینک جبکہ دوسرا حصہ او پی ڈی کیلئے مختص ہے جس میں کا رڈ یک مانیٹر ، وینٹی لیٹراورسیکشن یو نٹ ہیںاسی طرح تیسرا حصہ چاربیڈزپرمشتمل آئی سی یوہے جس میں میڈیکل ایمر جنسی سے لے کر آپریشن تک کی بین الاقوامی طرز کی تما م سہولیات مو جو د ہیں۔

(جاری ہے)

انہوں نے کہا کہ اندرون شہر عوام کو بروقت میڈیکل سہولیات فراہم کر نے کیلئے منی ایمبولینس سروس کا بھی آغا ز کیاجارہاہے جو کہ تنگ گلی کوچو ں میں آسا نی سے مریض تک پہنچ کر خدما ت فراہم کر ے گی۔ مہمان خصوصی ظاہر شاہ نے ریسکیو 1122 انتظامیہ کو خراج تحسین پیش کر تے ہو ئے کہا کہ ان بین الاقومی سٹینڈرڈ آلا ت اور ریسکیو اہلکا روں کی مد د سے کسی بھی قسم کی ایمرجنسی سے بروقت اوربہتر انداز میں نمٹا جا سکتا ہے۔