شہباز شریف نے بھارتی پنجاب کے وزیر اعلی کو ماحولیاتی آلودگی اور سموگ کے خطرات ..
تازہ ترین : 1

شہباز شریف نے بھارتی پنجاب کے وزیر اعلی کو ماحولیاتی آلودگی اور سموگ کے خطرات سے نمٹنے کے لئے مشترکہ جدوجہد کرنے کی پیشکش کردی

سمو گ کی بنیادی وجوہات گاڑیوں ،صنعتوں کا دھواںاور بڑے پیمانے پر چاول کی فصل کی باقیات کو جلانا ہیں‘وزیر اعلی پنجاب کا خ بھارتی پنجاب کے وزیر اعلی کو خط

شہباز شریف نے بھارتی پنجاب کے وزیر اعلی کو ماحولیاتی آلودگی اور سموگ ..
لاہور(اُردو پوائنٹ اخبارتازہ ترین۔ 21 نومبر2017ء) وزیر اعلی پنجاب شہباز شریف نے بھارتی پنجاب کے وزیر اعلی کیپٹن(ر)امریندر سنگھ کو ماحولیاتی آلودگی اور سموگ کے خطرات سے نمٹنے کے لئے مشترکہ جدوجہد کرنے کی پیشکش کردی‘بھارتی پنجاب کے وزیر اعلی کے نام خط لکھ کر انہیں دونوں صوبوں کے عوام کا مستقبل بچانے کے لئے تعاون کی پیشکش بھی کی گئی ہے ۔تفصیلات کے مطابق وزیر اعلی پنجاب شہباز شریف نے بھارتی پنجاب کے وزیر اعلی امریندر سنگھ کو خط لکھا جس میں شہباز شریف کا کہنا تھا کہ گذشتہ سال سے اکتوبر اور نومبر کے مہینوں میں پاکستانی اور بھارتی پنجاب کے شہریوں کو سموگ کا سامنا کرنا پڑ رہا ہے ، لیکن اس سال سموگ دونوں صوبوں میں پہلے سے زیادہ وسیع پیمانے پرپھیلا۔

یہ کہنا بے جا نہ ہوگا کہ سموگ شہریوں خاص طور پر بچوں اور بوڑھوں کی صحت کو متاثر کرتا ہے بلکہ اس سے گندم اور آلو کے علاوہ دیگرفصلوں پر بھی برے اثرات مرتب ہوتے ہیںجبکہ سموگ بڑے پیمانے پر ٹریفک حادثات کا مئوجب بھی بنتا ہے۔۔بھارتی پنجاب کے وزیر اعلی کے نام خط میں شہباز شریف کا مزید کہنا تھا کہ سمو گ کی بنیادی وجوہات گاڑیوں ،صنعتوں کا دھواںاور بڑے پیمانے پر چاول کی فصل کی باقیات کو جلانا ہیں۔

سموگ میں اضافہ اب علاقائی مصیبت بن گیا ہے اور اس نے دہلی سے لاہور تک دونوں صوبوں کے کئی شہروں کو لپیٹ میں لے لیا ہے۔دونوں صوبوں کی قیادت کو اس مسئلے سے نپٹنے کے لئے سائنسی اور معاشی طور پر نپٹنا ہوگا۔میرا یہ یقین ہے کہ دونوں صوبوں کو مل کر ایسے معاشی او رٹیکنالوجی کے طریقے اپنانا ہوں گے تاکہ چاول کی فصل کی باقیات کو جلانے کی ضرورت پیش نہ آئے ۔میں آپ کو سموگ اور ماحولیاتی آلودگی کے خطرات سے نمٹنے کے لئے علاقائی تعاون کے ذریعے انتظامات کرنے کی دعوت دینا چاہوں گا۔ آئیں ہم دونوں صوبوں کے عوام کا مستقبل بچانے کے لئے مل کر کام کریں۔

مزید متعلقہ خبریں پڑھئیے‎ :

وقت اشاعت : 21/11/2017 - 21:14:50

اس خبر پر آپ کی رائے‎

متعلقہ عنوان :