بھارت کا ڈرون طیارہ پرواز کے دوران گر کر تباہ

آئی این ایس گاردا کے ہوائی اڈے سے اڑنے والا ڈرون معمول کے نگرانی مشن پر تھا ،اڑان بھرنے کے تھوڑی دیر بعد ہی حادثے کا شکار ہوگیا، ترجمان بھارتی بحریہ

منگل 21 نومبر 2017 20:55

بھارت کا ڈرون طیارہ پرواز کے دوران گر کر تباہ

نئی دلی (اُردو پوائنٹ اخبارتازہ ترین - آن لائن۔ 21 نومبر2017ء) بھارتی بحریہ کا کہنا ہے کہ اس کا ایک ڈرون طیارہ معمول کی پرواز کے دوران گر کر تباہ ہوگیا ہے بھارتی میڈیا کے مطابق بھارتی ریاست کیرالا میں بحریہ کا بغیر پائلٹ جاسوس طیارہ گر کر تباہ ہوگیا ہے۔

(جاری ہے)

ترجمان بھارتی بحریہ نے بیان جاری کرتے ہوئے کہا ہے کہ وائلڈن جزیرے کے شمال میں واقع آئی این ایس گاردا کے ہوائی اڈے سے اڑنے والا ڈرون معمول کے نگرانی مشن پر تھا لیکن اڑان بھرنے کے تھوڑی دیر بعد ہی حادثے کا شکار ہوگیا۔

ترجمان کے مطابق ڈرون طیارہ حادثے میں کوئی جانی نقصان نہیں ہوا کیوں کہ ہوائی اڈے کے قریب کوئی آبادی موجود نہیں۔ حادثے کی تحقیقات کے لئے بورڈ نے انکوائری کمیشن تشکیل دے دیا ہے اور بہت جلد وجوہات سامنے آجائیں گی۔۔