فیض آباددھرنے کے خلاف ممکنہ آپریشن کے پیش نظر وفاقی پولیس نے گاڑیاں پتھروں سے بھرنا شروع کر دیں

سید فاخر عباس منگل 21 نومبر 2017 16:49

اسلام آباد(اردو پوائنٹ تازہ ترین اخبار - 21نومبر 2107ء):فیض آباددھرنے کے خلاف ممکنہ آپریشن کے پیش نظر وفاقی پولیس نے گاڑیاں پتھروں سے بھرنا شروع کر دیں ۔تفصیلات کے مطابق فیض آباد میں مذہبی جماعتوں کا دھرنا سولہویں روز میں داخل ہو چکا ہے ۔دھرنے کے باعث رہائشیوں کی روز مرہ زندگی برے طریقے سے متاثر ہو رہی ہے ۔

(جاری ہے)

ایسے میں اسلام آباد ہائیکورٹ انتظامیہ کو حکم دے چکی ہے کہ دھرنا ختم کروا کر راستے صاف کروائے جائیں مگر عدالتی حکم کے باوجود انتظامیہ دھرنا ختم کروانے سے قاصر ہے اور دوسری طرف دھرنے کے منتظمین نے دھرنے کی برخاستگی وزیر قانون کے استعفے سے مشروط کر رکھی ہے ۔

ایسی صورتحال میں جڑواں شہروں میں نظام زندگی کو بحال کرنے کے لیے دھرنے کے مظاہرین کے خلاف ممکنہ طور پر آپریشن کیا جا سکتا ہے ۔ممکنہ آپریشن کے پیش نظر وفاقی پولیس نے اپنی گاڑیوں کو پتھروں سے بھرنا شروع کر دیا ۔پولیس کے سرکاروی ٹرکوں کو پتھر لوڈ کرنے کا حکم دے دیا گیا جس پر پولیس کے ٹرک اسلام آباد کے علاقے کورنگ میں پہنچ گئے ۔یہ پتھر آپریشن کے دروان پولیس کو دئیے جائیں گے۔

Facebook Twitter Google + Share on Whatsapp

فیض آباددھرنے کے خلاف ممکنہ آپریشن کے پیش نظر وفاقی پولیس نے گاڑیاں پتھروں سے بھرنا شروع کر دیں

مزید اہم خبریں