سعودی پولیس نے چھپ کر نامحرم لڑکی سے ملاقات اور بات کرنے پر لڑکے کو گرفتار کرلیا

پیر 20 نومبر 2017 21:45

ریاض(اُردو پوائنٹ اخبارتازہ ترین - این این آئی۔ 20 نومبر2017ء) سعودی پولیس نے چھپ کر نامحرم لڑکی سے ملاقات اور بات کرنے پر لڑکے کو گرفتار کرلیا۔عرب میڈیا کے مطابق رواں ہفتے انٹرنٹ پر ایک ویڈیو وائرل ہوئی تھی جس میں ایک لڑکا دیوار کے پیچھے لڑکی سے ملاقات کررہا تھا، ویڈیو منظر عام پر آنے کے بعد سوشل میڈیا پر سعودی شہریوں کی جانب سے شدید تنقید دیکھنے میں آئی تھی۔

(جاری ہے)

واقعہ کے بعد پولیس نے تحقیقات کا آغاز کردیا اور کچھ ہی دنوں بعد پولیس نے لڑکے کو گرفتار کرلیا ،ْپولیس کے مطابق واقعہ مکہ کے شہر طائف میں پیش آیا جہاں ایک ریسٹورنٹ کے پیچھے لڑکا اور لڑکی نے ملاقات کی۔ ویڈیو میں نظر آنے والا لڑکا ریسٹورنٹ کا ملازم ہے اور لڑکی اسکول کی طالبہ ہے جب کہ لڑکے نے کھانے کے وقفے کے دوران لڑکی سے ملاقات کی۔