اسلام آباد،تھانہ کھنہ میں خادم حسین رضوی اور دیگر تین نامزد افرادکیخلاف پولیس اہلکاروں کو مارنے پیٹنے اور اغواء کی کوشش کرنے کا مقدمہ درج

پیر 20 نومبر 2017 21:26

اسلام آباد(اُردو پوائنٹ اخبارتازہ ترین - آن لائن۔ 20 نومبر2017ء) تھانہ کھنہ میں تحریک لبیک کے امیر خادم حسین رضوی اور دیگر تین نامزد افرادکے خلاف پولیس اہلکاروں کو مارنے پیٹنے اور اغواء کی کوشش کرنے کا مقدمہ درج کر لیا گیا۔

(جاری ہے)

تفصیلات کے مطابق تھانہ کھنہ پولیس نے وفاقی دارلحکومت اسلام آباد میں جاری دھرنے کے شرکاء کے خلاف ایک اور مقدمہ درج کر لیا ہے ۔ جس میں تحریک لبیک کے امیر سمیت تین دیگر افرادکو نامزد کیا گیا ہے۔ مقدمے میں الزام عائد کیا گیا ہے کہ دھرنے کے شرکاء نے پولیس اہلکار کو مارا پیٹا جس سے وہ زخمی ہو گیا اور پولیس افسر ایس ایچ او تھانہ کورال کو اغواء کر نے کی کوشش کی ۔ تھانہ کھنہ میں پولیس افسر آئی پی الطاف کی مدعیت میں مقدمہ درج کر لیا گیا ہے۔