تحریک انصاف نے فیض آباد دھرنے کے شرکاء کے مطالبات کی حمایت کر دی

حکومت ختم نبوتﷺ قانون میں تبدیلی کے ذمے داران کا نام فوری سامنے لائے، دھرنے کیخلاف کسی قسم کے بھی آپریشن کی مخالفت کی جائے گی: کور کمیٹی اجلاس میں فیصلہ

محمد علی پیر 20 نومبر 2017 19:00

اسلام آباد (اردوپوائنٹ تازہ ترین اخبار۔20 نومبر2017ء) تحریک انصاف نے فیض آباد دھرنے کے شرکاء کے مطالبات کی حمایت کر دی ہے۔ تفصیلات کے مطابق تحریک انصاف کی اعلی قیادت کے اجلاس کی اندرونی کہانی سامنے آگئی ہے۔ اجلاس میں فیض آباد دھرنے کے حوالے سے تبادلہ خیال کیا گیا۔ اجلاس میں تحریک انصاف کی قیادت نے فیض آباد دھرنے کے شرکاء کے مطالبات کی حمایت کرنے کا فیصلہ کیا۔

(جاری ہے)

جبکہ یہ فیصلہ بھی کیا گیا کہ دھرنے کیخلاف کسی قسم کے بھی آپریشن کی مخالفت کی جائے گی۔ تحریک انصاف نے مطالبہ کیا ہے کہ حکومت ختم نبوتﷺ قانون میں تبدیلی کے ذمے داران کا نام فوری سامنے لائے۔ حکومت ذمہ داران کیخلاف کاروائی بھی کرے جبکہ دھرنے کا معاملہ پرامن طریقے سے حل کیا جائے۔ اجلاس کے دوران ملک بھر میں عوامی اجتماعات کرنے اور پارلیمنٹ میں حکومت کو ٹف ٹائم دینے کا فیصلہ بھی کیا گیا۔ اس حوالے سے مزید تفصیلات ملاحظہ کیجیے: