مشرقی آسٹریلیا میں 7.3شدت کا زلزلہ،گہرائی 10کلومیٹر زیر سمندرریکارڈ

زلزلہ شدید نوعیت کا، زیر سمندر آنے کے باعث سونامی کا خدشہ تھاجوبعد میں ٹل گیا،امریکی جیالوجیکل سروے

پیر 20 نومبر 2017 12:00

مشرقی آسٹریلیا میں 7.3شدت کا زلزلہ،گہرائی 10کلومیٹر زیر سمندرریکارڈ

کینبرا(اُردو پوائنٹ اخبارتازہ ترین - این این آئی۔ 20 نومبر2017ء) مشرقی آسٹریلیا میں جنوبی پیسیفک کے نیوکیلنڈونیا جزائر کے قریب زلزلہ آیا ہے تاہم سونامی کا کوئی خطرہ نہیں ہے،غیرملکی خبررساں ادارے کے مطابق امریکی جیولوجیکل سروے نے بتایاکہ مشرقی آسٹریلیا کے جزائر نیو کیلنڈونیا میں 82 کلو میٹر کے رقبے پر آنے والے زلزلے کی شدت 7اعشاریہ 3ریکارڈ کی گئی ۔

(جاری ہے)

امریکی جیولوجیکل سروے کا مزید کہنا تھا کہ زلزلے کی گہرائی 10 کلو میٹر زیر سمندر ریکارڈ کی گئی ہے۔فوری طور پر اس زلزلے سے پیش آنے والے کسی قسم کے نقصان کی تفصیلات سامنے نہیں آسکی ہیں۔پیسیفک سونامی وارننگ سینٹر کا کہنا تھا کہ زلزلہ شدید نوعیت کا ہے جس کے زیر سمندر آنے کے باعث سونامی کا خدشہ تھا۔دوسری جانب آسٹریلین اور نیوزی لینڈ حکام کے مطابق دونوں ممالک میں سونامی کا کوئی خطرہ نہیں۔