جرمنی میں نئی حکومت کی تشکیل کے لیے سیاسی جماعتوں کے مذاکرات ناکام ہو گئے

مرکل کے چوتھی بار جرمن چانسلر بننے کی راہ میں رکاوٹ حائل، اتحاد نہ بننے پرانتہائی افسوس ہوا،چانسلر کی گفتگو

پیر 20 نومبر 2017 11:56

برل(اُردو پوائنٹ اخبارتازہ ترین - این این آئی۔ 20 نومبر2017ء) جرمنی میں نئی حکومت کی تشکیل کے لیے سیاسی جماعتوں کے مذاکرات ناکام ہو گئے جس کے بعد انجیلا مرکل کے چوتھی بار جرمن چانسلر بننے کی راہ میں رکاوٹ حائل ہو گئی ۔مرکل گرینز اور فری ڈیمو کریٹ پارٹی کے ساتھ اتحاد بنانے پر کامیاب نہ ہو سکیں۔فری ڈیمو کریٹ پارٹی نے مزید مذاکرات سے انکار کر دیا، اس نے کہا ہے کہ بری حکمرانی کرنے سے بہتر ہے کہ حکمرانی نہ ہی کی جائے۔

چار سیاسی جماعتوں میں امیگریشن کے معاملے پر اختلافات برقرار ہے۔

(جاری ہے)

غیرملکی خبررساں ادارے کے مطابق میڈیا سے بات چیت کرتے ہوئے جرمن چانسلر انجیلامرکل کا اس حوالے سے کہنا تھا کہ اتحاد نہ بننے پرانتہائی افسوس ہوا،نئی اتحادی حکومت کی تشکیل میں ناکامی سے صدرکوآگاہ کروں گی۔انہوں نے مزید کہا کہ مشکل وقت میں ملک کوآگے لیکرجانیکی ہرممکن کوشش کروں گی،آنیوالے مشکل ہفتوں میں ملکی انتظام یقینی بنانے کیلیے ہرممکن اقدامات کریں گے۔انجیلامرکل کی صدر سے ملاقات کا مطلب یہ ہے کہ وہ گرینز پارٹی کے ساتھ حکومت نہیں بنائیں گی۔جرمنی کے صدر کے پاس نئے انتخابات کرانے کا اختیار ہے۔