تحریک انصاف کی مقبولیت میں روز بروز اضافہ ہو رہا ہے،محمدعاطف
پاکستان کی تاریخ میں یہ واحد پارٹی ہے کہ ساڑھے چار سال حکومت کرنے کے باوجود لوگ اس پارٹی میں جوق در جوق شمولیت اختیار کررہے ہیں،وزیرتعلیم خیبرپختونخوا
اتوار 19 نومبر 2017 18:11
(جاری ہے)
اس جلسے میںمردان خاص آئی ایس ایف تنظیم کے ممبران اور عہدیداران اور ہزاروں کی تعداد میں اہلیان مردان خاص نے شرکت کی جبکہ اس موقع پر دیگان خیل کے علی خان ،حاجی محمد جان ،مردان خاص سے اے این پی کے سابق صدر انعام خان خیل،پیر اکرام شاہ باچا،ضیاء الدین کاکا اور ڈسٹرکٹ چیئرمین صرافہ ایسوسی ایشن محمد سلیم صراف نے سینکڑوں ساتھیوں سمیت دوسری پارٹیوں سے مستعفی ہو کر پاکستان تحریک انصاف میں شمولیت کا اعلان کیا۔
جلسے سے خطاب کرتے ہوئے محمد عاطف خان نے کہا کہ عوام کو یہ بات سمجھنے کی ضرورت ہے کہ تحریک انصاف کی لیڈر شپ بدمعاشوں کو بڑھاوا نہیں دے رہی بدقسمتی سے ہمارے ملک کے سیاسی لیڈر شپ کا انحصار بدمعاش عناصر پر رہا ہے جس کی وجہ سے ہمارا پورا معاشرہ منفی رنگ میں رنگ گیا۔یہ لوگ اپنے ناپاک عزائم کو ان بدمعاش عناصرکے ذریعے عملی جامہ پہناتے رہے ہیں ۔ہمارے اور ان روایتی سیاستدانوں کے درمیان فرق یہی ہے کہ ہم معاشرے کو شرافت اور انسانیت کے بنیاد پر فروغ دینے کا ایجنڈا رکھتے ہیں ۔ہماری نظر قوم بنانے پر ہے جبکہ ان روایتی سیاستدانوں کی نظر اپنی جیبیں بھر نے پر ہیں ۔انہوں نے کہا کہ ہم پہلی مرتبہ حکومت میں آئے ہیں ہمارے تجربے میں کمی ہوسکتی ہے لیکن ہماری نیت اور سوچ میں کمزوری نہیں ۔ہم اخلاص کے علمبردار ہے اور ہمارا اخلاص ہی ہمیں دوسری تمام سیاسی پارٹیوں سے ممتاز کرتا ہے ۔عاطف خان نے کہا کہ ہم نے اپنے ملک اور قوم کی تشکیل نو کرنی ہے ہماری عوام سے گزارش ہے کہ وہ ہماری کمزوریوں کے ساتھ ساتھ ہماری مثبت باتوں پر بھی نظر رکھیں۔ہمارے عوام نے ستر سال کا عرصہ دوسرے حکمرانوں کو دیا ہے اب ہمیں بھی ایک مرتبہ پورے ملک کی سطح پر منتخب کر کے خدمت کا موقع دیں۔ہماری فکر اور نظر وطن عزیز کو ایک باعزت خودمختار اور مستحکم ملک میں تبدیل کرنا ہے جس پر نہ صرف ہماری قوم فخر کر سکیں بلکہ ہمارے وجود کا ہر ایک مخالف بھی ہم سے دوستی کا خواہشمند بنے۔ہم اپنے سیاسی مخالفین کو بھی یہ پیغام دیتے ہیں کہ ہم ان کے بھی خیر خواہ ہے اور انہیں بھی ایک مثبت طرز سیاست اختیار کرنے کی دعوت دیتے ہیں ۔وہ بھی ہمیں سمجھنے کی کوشش کریں ۔انہوں نے کہا کہ آج ہمیں ہر لیول پر ایک مشکل صورتحال کا سامنا ہے ہم تقسیم در تقسیم کے عمل سے گزر رہے ہیں آج ہمیں عمران خان کی شکل میں ایک لیڈر ملا ہے جو ہمیں ایک ایماندار قوم بنانے کی جستجو کررہا ہے ۔اس ملک میں سب کچھ ہے اور نہیں تو انصاف نہیں ۔انشاء اللہ 2018میں جب عمران خان اس ملک کا وزیر اعظم بنے گا تو پھر ہمارے نوجوانوں کو نوکریوں کے لئے باہر کے ممالک میں جانے کی ضرورت نہیں ہو گی بلکہ دوسرے ممالک کے لوگ بھی یہاں نوکریوںکے لئے آئیں گے۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.