بدھ کو لبنان آؤں گا،سعد الحریری کا فرانس سے صدر مشعل عون کو فون

بدھ کو وطن واپس پہنچ کر یوم آزادی کی تقریبات میں شرکت کروں گا،ٹیلی فونک گفتگو

اتوار 19 نومبر 2017 15:00

پیرس (اُردو پوائنٹ اخبارتازہ ترین - این این آئی۔ 19 نومبر2017ء) لبنان کے مستعفی وزیراعظم سعد الحریری نے فرانس کے دارالحکومت پیرس سے لبنان کے صدر مشعل عون کو فون کیا ہے اور انھیں مطلع کیا ہے کہ وہ آیندہ بدھ کو بیروت لوٹ آئیں گے۔

(جاری ہے)

لبنان کی قومی خبررساں ایجنسی کے مطابق سعد الحریری نے صدر کو بتایا کہ وہ بد ھ کو ملک کے یوم ِ آزادی کی تقریبات میں شرکت کریں گے۔اس سے پہلے مستعفی وزیراعظم کی یوم آزادی کی تقریبات میں شرکت سے متعلق مختلف قیاس آرائیاں کی جارہی تھیں اور یہ کہا جارہا تھا کہ وہ شاید اس مرتبہ ان میں شریک نہیں ہوں گے۔عام طور پر یوم آزادی کی مرکزی تقریب میں لبنان کے صدر ، وزیراعظم اور پارلیمان کے اسپیکر شرکت کرتے ہیں۔