ٹماٹر کی درآمدات پر پابندی سے تقریباً100 ارب روپے کی بچت ہوئی ‘ رپورٹ

پاکستان میں سالانہ پیداوار 543160 ٹن ہے،سندھ35فیصد کیساتھ پہلے،بلوچستان دوسرے ، پنجاب ،خیبر پختوانخواہ کا تیسرا اور چوتھا نمبر ہے

اتوار 19 نومبر 2017 14:10

لاہور(اُردو پوائنٹ اخبارتازہ ترین - این این آئی۔ 19 نومبر2017ء) ٹماٹر کی درآمدات پر پابندی سے تقریباً100 ارب روپے کی بچت ہوئی ہے ۔ رپورٹ کے مطابق 2015-16 میںپاکستان نی7.916ارب روپے کی خطیر رقم خرچ کرکے بھارت سمیت دیگر ممالک سے 233246ٹن ٹماٹر درآمد کئے تھے۔

(جاری ہے)

امسال نامناسب موسم کی وجہ سے بلوچستان اورخیبرپختونخواہ میں ٹماٹر کی فصل متاثرہونے کی وجہ سے ٹماٹر کی کمی دیکھنے میں آئی تاہم اب چند روز میں یہ کمی دور ہوجائے گی ۔

رپورٹ کے مطابق پاکستان میں ٹماٹر کی سالانہ پیداوار 543160 ٹن ہے جس میں سے 106229 ٹن پنجاب پیدا کرتا ہے۔ پاکستان میں پنجاب ٹماٹر کی پیداوار کا 19فیصدحصہ پیدا کر کے تیسرے نمبر پر ہے جبکہ سندھ 35فیصد پیداوار کے ساتھ پہلے، بلوچستان 27 فیصد پیداوار کے ساتھ دوسرے اور خیبرپختونخواہ16فیصد پیدا کرتا ہے۔