رینجرز اور حساس اداروں کا ڈیرہ غازی خان میں مشترکہ آپریشن ، کالعدم تنظیم کے 4 دہشتگرد گرفتار ، دستی بم اور اسلحہ برآمد

جمعہ 17 نومبر 2017 21:48

راولپنڈی(اُردو پوائنٹ اخبارتازہ ترین - آئی این پی۔ 17 نومبر2017ء) رینجرز اور حساس اداروں نے ڈیرہ غازی خان میں مشترکہ آپریشن کرتے ہوئے کالعدم تنظیم کے 4 دہشتگردوں کو گرفتار کرلیا،اور ان کے قبضے سے دستی بم اور اسلحہ برآمد کرلیا۔

(جاری ہے)

جمعہ کو پاک فوج کے شعبہ تعلقات عامہ (آئی ایس پی آر )کے مطابق ملک بھر میں آپریشن ردالفساد کامیابی سے جاری ہے، پنجاب رینجرز اور حساس اداروں نے ڈیرہ غازی خان میں مشترکہ آپریشن کرتے ہوئے کالعدم تنظیم کی4 دہشتگردوں کو گرفتار کرلیا، اور ان کے قبضے سے دستی بم اور اسلحہ برآمد کرلیا ،دہشتگرد خیبرپختونخواہ اور پنجاب میں پولیس افسران پر حملوں میں ملوث ہیں۔