اوورسیزہیومین رائٹس آرگنائزیشن پاک کشمیر برطانیہ کے چیف کوآرڈی نیٹر ساجد قریشی ..
تازہ ترین : 1

اوورسیزہیومین رائٹس آرگنائزیشن پاک کشمیر برطانیہ کے چیف کوآرڈی نیٹر ساجد قریشی کی رکن پارلیمنٹ ناز شاہ سے ملاقات

لیڈز(اُردو پوائنٹ اخبارتازہ ترین۔ 17 نومبر2017ء) اوورسیزہیومین رائٹس آرگنائزیشن پاک کشمیر برطانیہ کے چیف کوآرڈی نیٹر ساجد علی قریشی کی بریڈ فورڈ سے ممبر پارلیمنٹ ناز شاہ سے ملاقات۔ملاقات میں دو طرفہ امور پر تبادلہ خیال کیا گیا۔ساجد علی قریشی نے گفتگو کرتے ہوئے کہا کہ تارکین وطن بے پناہ مسائل کا شکار ہیں۔خاص کر تارکین وطن کشمیریوں کو آزاد کشمیر میں اپنی جائیدادوں اور ائیرپورٹ پر جو غیر منصفانہ اور غیرانسانی سلوک کیا جاتا ہے اس پر اوورسیز کشمیریوں کو تشویش ہے۔

اوورسیز کشمیری سالانہ اربوں روپے زرمبادلہ کی مد میں آزاد کشمیر بھیج کر بھی مسائل کی زد میں ہیں ۔ایم پی ناز شاہ تارکین وطن کشمیریوں کے مسائل کے لئے آواز بلند کریں۔ناز شاہ نے ساجد علی قریشی کو اپنے بھرپورتعاون کا یقین دلاتے ہوئے کہا کہ مسئلہ کشمیر اور تارکین وطن کشمیریوں کے مسائل کے حل میں وہ ذاتی دلچسپی رکھتی ہیں اور انشاء الله تارکین وطن کشمیریوں کے مسائل کے حل کے لئے وہ ہر فورم پر آواز بلند کرتی رہیں گی۔

مزید متعلقہ خبریں پڑھئیے‎ :

وقت اشاعت : 17/11/2017 - 15:48:00

اس خبر پر آپ کی رائے‎

متعلقہ عنوان :