شمالی کوریا کودہشت گردریاست قراردینے کا فیصلہ آئندہ ہفتے ہوگا، امریکہ

جمعہ 17 نومبر 2017 15:43

واشنگٹن(اُردو پوائنٹ اخبارتازہ ترین - آئی این پی۔ 17 نومبر2017ء) امریکہ نے کہا ہے کہ شمالی کوریا کودہشت گردریاست قراردینے کا فیصلہ آئندہ ہفتے ہوگا۔غیر ملکی میڈیاکے مطابق ترجمان وائٹ ہائوس کا کہنا ہے کہ شمالی کوریا کو دہشت گردریاست قراردینے سے متعلق فیصلہ آئندہ ہفتے ہوگا۔ امریکی صدرڈونلڈ ٹرمپ شمالی کوریا سے متعلق خود اعلان کریں گے۔

(جاری ہے)

گزشتہ روزٹرمپ نے اپنے ایک خطاب میں کہا تھا شمالی کوریا کے ڈکٹیٹرکودنیا کویرغمال بنانے کی اجازت نہیں دیں گے، چینی صدرشی جن پنگ نے بھی تسلیم کیا ہے کہ شمالی کوریا چین کیلیے بڑاخطرہ ہے۔

ا س سے قبل شمالی کوریا کے سرکاری اخبارنے اپنے رہنما کم جانگ ان کی توہین پرامریکی صدرڈونلڈ ٹرمپ کو سزائے موت کا مستحق ٹھہراتے ہوئے انہیں ایک بزدل شخص قراردیا ہے۔واضح رہے کہ اپنے عہدہ صدارت سنبھالنے کے بعد سے امریکی صدرڈونلڈ ٹرمپ کی جانب سے شمالی کوریا کے رہنما پرمسلسل کڑی تنقید جاری ہے جس میں انفرادی طورپرہتک آمیز رویہ اختیار کیا جاتا رہا ہے جودونوں ممالک کے درمیان کشیدگی میں اضافے کی بھی وجہ بنا ہوا ہے۔

Facebook Twitter Google + Share on Whatsapp

شمالی کوریا کودہشت گردریاست قراردینے کا فیصلہ آئندہ ہفتے ہوگا، امریکہ

متعلقہ عنوان :

مزید بین الاقوامی خبریں